Eneko Olasagasti: "Jaurlaritzak ez du kulturgileentzat diru-partida berririk aktibatu"
Euskal kulturgintzan deitutako greba digitalak bigarren eguna du asteazken honetakoa. Bi egunez eduki kulturalik ez eskaintzeaz gain, oraingoz hartu diren neurri politikoak baloratzeko baliatu dute.
Greba digitalarekin bat egin duen sortzaileetako bat da Eneko Olasagasti zinegilea eta haren adierazpenak jaso ditu Naiz-ek. Oso kritiko agertu da Eusko Jaurlaritzak joan den asteazkenean, greba digitala deitu zen egun berean, iragarri zuen diru-laguntzarekin.
Sektoreko langileek jada egin dituzten laguntza-eskaerak iragarritako 2,5 milioiak baino askoz handiagoak direla nabarmendu du eta, gainera, Jaurlaritzak iragarritako laguntza ez dela partida berri bat, Lanbidera bideratuta zegoen partida bat baizik. “Ez dira ari aktibatzen dagoeneko zegoenaz gain beste partidarik, leku batetik kendu eta bestean jarri dute”.
“Neurri urgenteak” eskatu ditu Olasagastik adierazpen horietan, kulturgintzan egoera aurretik ere prekarioa zelako eta gaineratu zuen egoerari buelta eman ezean sektoreko langile asko “pobrezia sozialaren” barruan geratuko direla.
Greba digitalarekin bat egin duen jende kopurua zenbatekoa izan den zenbatzea zaila dela adierazi du Olasagastik, deialdia sinatu duten 1.000 lagunetik gorako zerrendaz gain, beste pertsona askok, kulturgintzako langileak izan edo ez, uko egin diotelako egunotan eduki kulturalak partekatzeari eta greba deialdiaren afixa jarri dute euren sareetan.
Muruetan 32.000 metro karratu erosteko asmo dauka Bizkaiko Diputazioak, besteak beste Urdaibain Guggenheim museoa eraikitzeko.
Urdaibaiko Guggenheimen proiektua bi urtez etengo dutela iragarri zuten urtarrilean Lakuak eta Bizkaiko Aldundiak, baina museoa eraiki ez dadin borrokan jarraitzen dute ekintzaileek. Futuro Vegetal aktibista klimatikoen azken ekintza eta Guernica Gernikara taldeak antolatu duen... [+]
Ghana, 1823. Ashanti Inperioaren eta britainiarren arteko lehen gerra hasi zen. Guztira lau gerra izan ziren bien artean, eta gatazka 1901 arte luzatu zen. Lehenago, europarrek herrialdeko Urrezko Kosta kontrolatzen zuten. Baina 1807ko esklabotzaren abolizioaren ondorioz,... [+]
Donostiako Amara auzoan dagoen Kontenedora sorkuntza espazioak ez du estreinako urterik onena izan: bederatzi hilabetez itxita egon da, burokraziaren katramiletan harrapatuta. Udalak ezarritako trabak azaldu dituzte. Abokatu eta arkitekto artean aritu ostean, baina, badirudi... [+]