Bilboko superportua eta Getariako hegalabur haztegia, 2025eko “bandera beltz” nagusiak
Ekologistak Martxanek Bandera Beltzak 2025 txostena argitaratu du, urtero legez, "itsasertzeko kutsadura eta ingurumen-kudeaketa txarraren kasu esanguratsuenak ezagutarazteko". Hego Euskal Herriko kostaldeari dagokionez, Bilboko superportuari eta Getariako arrain haztegiri eman dizkio bandera beltz nagusiak , baina Urdaibaiko Guggenheim proiektua eta Txingudiko Badiak ere jaso dute izendapena.
Eragile ekologistak urtero osatzen duen Espainiako Estatu mailako txostenaren helburua "itsasertzeko kutsadura eta ingurumen kudeaketa txarraren kasu esanguratsuenak" ezagutaraztea da. Euskal Herriari dagokionez, Bizkaia eta Gipuzkoako egoerak aztertzen ditu txostenak.
Bizkaia
Bilboko Superportuaren handitze planak Santurtzi eta Zierbena arteko A3 eta A4 kaiak handitzea proposatu du. Elkarte ekologistak salatu du portuak Nerbioi badia "gehiegi erabiltzen duela", eta horren arduradun egin ditu Eusko Jaurlaritza eta Espainiako Gobernua. Salatu du ere portuaren enpresa kudeatzailea, enpresa baino, lobbya dela. Gogoratu du portuak lotura zuzena daukala Muskizeko Petronorreko findegiarekin, eta hori dena aintzat hartuta, nabarmendu du superportuak eta Petronorreko findegiak Bizkaia, Araba eta Gipuzkoako "puntu beltz handiena eta kutsatzaileena".
Guggenheim Bilbao Museoak Urdaibaiko Biosfera Erreserban daukan proiektuari ere eman dio bandera beltza Ekologistak Martxanek. Txostenaren arabera, "proiektu horrekin aurrera jarraitzeak Urdaibaiko Biosfera Erreserba erabat suntsitzea dakar". Proiektua aurrera egiteko Eusko Jaurlaritzak eta EAJk ahalegin guztiak egiten ari direla salatu dute.
Gipuzkoa
Getariako kostaldetik 5,7 kilometrotara ezarri duten hegalabur haztegiak jaso du Gipuzkoako bandera beltza bagusia. Instalazioak daukan eragin negatiboa salatu du mugimenduak, eta antzeko proiektu gehiago garatzeko arriskua dagoela ohartarazi du. Haztegiak itsas ingurunea kutsatuko duela ziurtatu du talde ekologistak, eta baliabide naturalen pribatizazioa dakarrela.
Bigarren bandera beltza, "kudeaketa txarragatik", Irun eta Hondarrabia arteko Txingudiko Badiak jaso du. Bertako estuarioak eta Txingudiko Badia "Gipuzkoako balio ekologiko handieneko ingurune naturaletako bat osatzen dute", Ekologistak Martxanen esanetan. "Probintziako HBEB (Hegaztiak Babesteko Eremu Berezia) bakarra da, eta oso puntu berezia da Pirinioetako mendebaldeko muturreko hegaztien migrazio-prozesuetan". Eragilearen arabera, natura ondare hori babesteko 2015-2026 aldirako Plan Zuzentzaile bat osatu zuen Jaurlaritzak 2014 urtean. 2021ean zenbait jarduera burutzeko konpromisoa iragarri zuen Ingurumen Sailak, baina ondoren Espainiako Gobernuaren Trantsizio Ekologikoko Ministerioaren esku utzi zuen dena, eta gaur gaurkoz ez da ezer gauzatu.
Pirinioetako eta Iberiar Penintsulako mendien katalogoa gehitu dugu Mendiak aplikaziora. Abuztuan hazi zen mendi katalogoa, eta dagoeneko igoera mordoxka bat erregistratu dituzte erabiltzaileek. Webgune gisa kontsulta daiteke Mendiak.eus, baina erabilpen aproposerako, app bidez... [+]
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.
Orain da unea eta ez dugu denbora askorik. Baina, zer egin? Nondik hasi? Nora jo? Badugu gaitasun teknikoa, bide-orri argi bat falta zaigu, adostasun zabal bat. Oinak lurrean eta lokatzari aurre egiteko prest, berandu baino lehen ekin beharreko bideaz aritu gara Marta... [+]
Euskal Sagardoa Jatorri Deiturako 250 sagastietan hasiak dira jada sagar biltzen. Araba, Bizkaia eta Gipuzkoari dagozkien iazko datuekin alderatuta, uzta handiagoa izango da aurten. Orotara sei-zazpi milioi kilo biltzea aurreikusten dute, datu zehatza urte bukaerarako izango... [+]
Azken urteotako uda bukaera guzietan bezala, Ipar hemisferioko suteen kalteak zenbatzen ari gara, eta zenbakiak ikusi arren, oraino zaila zaigu arazoaren munta eta horri loturiko arriskuaren ezaugarriak ulertzea. Halere premiazkoa da, horren arabera lurraldeak prestatu beharko... [+]
Sarraskiak ez du etenik Palestinan, eta lurraldeko txoko guztietara hedatzen ari da. Uztailaren 31n, Hebrongo (Zisjordania) Hazien Bankuaren Ugalketarako Unitateari eraso zion Israelek; bulldozer eta makineria pisutsuarekin bertako instalakuntza eta azpiegiturak suntsitu zituen... [+]
Udazkeneko zenbakia aste honetan jasoko dute ARGIAko kideek, edo berariaz Bizi Baratzeako kide egin direnek.
Abuztuaren amaieran azaltzen da, baina iraila du gogokoen. Udazkena hemen dela berritzen digu urtero. Udazkenari kolore bidea erakusten dio. Guri, ahoko zeruak jasota duen lurrinen bilduma erraldoiaren miaketa azkarra egin eta urteroko uztaldi nagusiaren dasta bitxienetakoa... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Sugea ikusi orduko: “Sugegorria!”. Telesforo Aranzadi zenak esaten baitzuen, begiek ez dutela ezagutzen dutena baino ikusten. Eta sugegorria ezagutu, ezagutzen dugunez (entzunaz, sikiera), hori bera izaten da joera: ikusten dugun suge oro sugegorria dela iruditzen... [+]
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Dei batek dena alda dezake. Eguna bai, bederen. Hurrengo orduetako martxa, sikiera. Ourensen dagoen lagunak jasotzen du Noainen dagoen Lugoko lagunaren deia. Dei bakar batek ekarri zituen Galizako elkarte bateko zortzi artzain eta ahuntzain bat etxera. Zoragarria izan zen... [+]
