Emakumerik ez Kode Penalean sexu delituak nola jasotzen diren aztertuko duen batzordean
Espainiako Gobernuko bozeramaile Iñigo Méndez de Vigo-k Kode Penalean sexu delituak egoki tipifikatuta dauden aztertuko zela jakinarazi zuen sententzia publiko egin zen egunaren biharamunean. Azterketa burutuko dutenen artean, baina, ez da emakumerik ageri.
aurre egingo dieten hedabide independenteak
“La Manada” kasuaren gainean Nafarroako Auzitegi Probintzialak emandako sententziak jendartean eragindako haserreak piztu duen polemikak egindako presioagatik, eta Rafael Catalá Justizia ministroak hala eskatu duelako hartu da bozeramaileak jakitera emandako erabakia.
Sanferminetako bortxaketaren kasuaren gainean sententziaren arabera bortxaketarik ez zen existitzen salatutako gertakarian, eta sexu delitu ordez sexu abusutzat jo zuten kasua zeramaten epaileek. Ebazpenak kalean sortutako harrabotsak izan du oihartzunik instituzioetan ere, Espainiako Justizia Ministerioak Kode Penalean sexu delituak nola jasotzen diren behatzea eskatu duen era berean, Europako Parlamentuan ere bortxaketa delituaren gainean Kode Penalak daukan definizioa berrikusteko beharra azpimarratu baitzen asteazkenean.
Justizia ministroak Kode Penalaren azterketa egiteko ardura Justizia Ministerioaren aholkularitza organo laguntzailea den Kodifikazio Batzorde Orokorrari luzatu dio, zeinak ez duen emakumerik bere baitan. 20 gizonezko arituko dira Kode Penalean sexu delituak nola jasotzen diren aztertzen, emakumezkorik gabe tartean.
Kodifikazio Batzorde Orokorra sailka funtzionatzen duen organoa da, zuzenbidearen eremuari dagozkion bost sail ezberdintzen direlarik honen baitan: zibila, merkataritzakoa, publikoa, penala eta prozesala. Organoak sailka jarduten duela azaldu du batzordeak, bakoitza eskumena daukan gaiez arduratu ohi delarik. Logika horri jarraiki, Kode Penalaren gaineko azterketa bere baitan emakumerik ez daukan Zuzenbide Penaleko sailaren ardura litzateke, Justizia ministroak izendatutako 20 gizonezkok osatzen dutena.
Kode Penalak sexu delituak nola jasotzen dituen aztertzeko erabaki honen bueltan deigarriak diren pare bat kontu badaude. Lehena, azterketa egitearen ardura eman zaion organismoak faltan duela parekotasuna bermatuko lukeen artikuluren bat. Eta bigarrena, deigarriagoa dena, “La Manada” kasuaren gainean hartutako erabaki judizialean errakuntzarik egotekotan, honek epaileen jardunarekin ordez marko juridikoarekin zerikusia izango lukelako ageriko ustea.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]