Emakumeak are gehiago pobretuko ditu pandemiak eta genero-arrakala handitu egingo da munduan, Nazio Batuen Erakundeak eskatutako ikerketa baten arabera. 2021ean, 435 milioi emakume muturreko pobrezian biziko direla aurreikusten da.
Pandemiaren aurretik, 2021erako emakumeen pobrezia-tasa jaistea espero zela dio ikerketak, baina bizi dugun krisia medio, jaitsi ez, pobrezia-tasa %9,1 igoko dela dio. Muturreko pobreziak ere, bereziki emakumeei eragingo die.
Datuak okerragoak izan daitezkeela ohartarazten du ikerketak, ez direlako beste hainbat faktore kontuan hartu (adibidez, emakumeak izango direla seme-alabak zaintzeko lan egiteari utziko dioten gehienak).
Genero-arrakala handitu egingo den garaiotan, ordaindu gabeko zaintza lanen ereduak zein ondorio dituen oso agerikoa dela gehitu dute ikerketaren egileek.
Gaur egun, emakume pobreen %59a Saharaz hegoaldeko Afrikan bizi da. Hego Asian ere, emakumeen pobrezia nabarmen haziko dela uste dute ikerketaren egileek.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]