Emakume migratzaileen eskubideak aldarrikatzeko elkarretaratzea egin dute Bilbon
Migrazio politikak emakumeengan eta LGTBIQ+ kolektiboarengan eragiten dituen kalteak salatu dituzte, Ongi Etorri Errefuxiatuak elkarteak deituta.
Ongi Etorri Errefuxiatuak elkarteak Bilbon kalera irteteko deia egin du larunbatean, Nizan antolatutako Europako jardunaldi feministaren harira. Dozenaka herritar bildu dira Europako migrazio politikak salatzeko, batez ere emakumeengan eta LGTBIQ+ kolektiboarengan eragiten dituzten kalteei ikusgaitasuna emanez.
Emakumeak eta LGTBIQ+ kolektiboaren parte diren pertsonak dira migratzaileen artean zaurgarrienak. Horrela adierazi dute Bilboko elkarretaratzea deitu duten eragileek, Emakumeok mugak gaindituz izeneko manifestuan. Migrazio bidaian bortxaketak, pertsonen salerosketa edo organoen trafikoa jasan ohi dituzte, idazkiaren arabera, eta horietako askori Europan 2015. urtetik gogortu den migrazio politika eman die bide. Politika horrek “ekonomia mafiosoak, indarkeria eta mota askotako abusuak” ahalbidetzen dituela salatu dute.
Bereziki, emakume migratzaileek bizi duten egoera ekarri nahi izan dute argitara, politika berriek “kriminalizatu” egiten dituzten horiena. Eskubide berdintasuna aldarrikatu dute emakume guztientzako –izan migratzaile edo ez–, eta mugak gainditzeko deia egin dute: “Hauts ditzagun jendea hil, esplotatu, banatu eta kanporatzen duten mugak! Eraiki ditzagun guztiok eskubide berdinak izango ditugun herriak, auzoak, hiriak, herrialdeak!”.
Askatasunaren sinboloa
Elkarretaratzean kometak aireratu dituzte mugak desagertzeko duten nahiaren sinbolo gisa. Ez soilik herrien arteko mugak, baizik emakumeek orokorrean pairatzen dituzten muga legalak, laboralak eta beste.
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Hamasei urte zeramatzan Gabonak hemengo etxean igaro gabe. Urruti baita beti Australia. Haatik, lanak Euskal Herrira etortzeko aukera eman zion iragan urtearen amaieran, eta Lazkaon izan genuen aurtengo jaietan. Hangoak hango eta hemengoak hemengo, ibili dituen bide bihurri... [+]
ELE, Etxeko Langileen Elkarteak emandako zifra da, Bizkaian egindako galdeketen emaitzak jasota. Urtero bezala, etxeko langile egoiliarren eta kanpo-langileen lan baldintzei buruzko txostena egin du. Egoera erregularrean zegoen %35,38k ez zuen jaso lanbide arteko gutxieneko... [+]
Bizitza Zaintzeko izenpean, ekonomia soziala ardatz duen irabazi asmorik gabeko elkarte bat sortu dute etxez etxeko sei langilek, Urola Kostan (Gipuzkoan). Ideia sinplea da: enpresen irabaziak langileen esku uztea. Merkatuaren prezioak mantenduko dituzte; hau da, erabiltzaileek... [+]
Ez da ohikoa Kolonbiatik etortzea, euskara ikastea eta antzerkitik bizitzen tematzea. Ez da ohikoa soineko gorri ikusgarria Larunbe (Nafarroa) herri txikiko eliza gotikoaren hormatzarrekin konbinatzea. Eta ez da ohikoa periferiaren periferiakoa izanda, horren baikorra izatea.