Papergabe guztien erregularizazioa, erretentzio zentroen ixtea eta etxebizitza guztiontzat exijitzen dabiltza martxaren antolatzaileak. Irailaren 19an abiatu ziren hainbat hiritatik eta urriaren 17 honetan helduko dira Parisera. Martxaren azken etapa debekatu berri die Parisko prefetak. Elkartasunez, mobilizazioak egingo dira Ipar Euskal Herrian ere.

Ongi Etorri Errefuxiatuak elkarteak eta Gasteizen Inor Ez Kalegorrian ekimenak elkarretaratzea egin dute Gasteizko Plaza Berrian, hirian bizi diren migratzaile eta familia zaurgarrienen aurrean udalak duen jarrera salatzeko.

Getxoko Ongi Etorri Errefuxiatuak taldeko kideek deituta, "Itsasoak dakarkiguna" performancea egin zuten dozenaka lagunek atzo, domekan, Algortako Ereaga hondartzan eta Portu Zaharrean. Bertan, besteak beste, Greziako Moriako errefuxiatu-eremuko sutearen biktimak modu duin batean birkokatzeko eginkizunetan parte har dezaten eskatu diote Espainiako Gobernuari eta Eusko Jaurlaritzari.

"Elikadura burujabetza, nekazaritzan eta abeltzaintzan ingurugiroarekiko errespetuzkoa den bertako ekoizpena eta familia arloko ustiapenaren alde gaude, baina ez langileen baldintza prekarioen kontura", horra zer adierazi nahi ukan duten Nafarroako landa eremuetatik. Ondotik, Gipuzkoara joan eta SAPA eta armak ekoizten dabiltzan beste euskal enpresen jokaera ere gogorki kritikatu dute.

Ehundaka lagunek hartu dituzte Parisko karrikak, papergabeen egoeraren erregulartzea exijitzeko. Prefekturak manifestazioa debekaturik, laster kargatu du poliziak.

Ongi Etorri Errefuxiatuak-Bizkaia kolektiboaren “Gerra hemen hasten da” batzordetik bultzatutako dokumental honetan, Euskal-Herriko armen ekoizpena agerian jartzen da, bereziki, Bilboko Portutik egiten den armen trafikoa salatzen du ikus-entzunezko honek.

Dokumentala osatzeko, besteak beste, historiagileak, armagintzako langileak eta borroka antimilitaristan aritzen diren taldeak elkarrizketatu zituzten. 2017ko martxoaren 13an, Ignacio Robles Bizkaiko suhiltzaileak uko egin zion... [+]

Aita Mari eta Alan Kurdi erreskate ontziei itsasoratzea debekatu die Italiako Justiziak. Hori horrela, Mediterraneoa zeharkatzen dabiltzan etorkinak salbatzen dabilen ontzirik ez da gehiago. Gainera, koronabirusaren testuinguruan oztopoak biderkatu direla diote errefuxiatuen alde dabiltzan Gobernuz Kanpoko Erakundeek.

Zierbenan (Bizkaia) zeuden 22 migratzaile matxinatu zirela zabaldu izana salatu du Ongi Etorri Errefuxiatuak taldeak . Albistea ezeztatu du, Zierbena Sarea, Gurutze Gorria ta DYA jakinaren gainean zeudela adieraziz, eta akatsa zuzentzeko eskatu dio egunkariari.