Emakume Baserritarren Azoka Gardena egingo du EHNEk larunbatean Donostian
Euskal Herri osoko 20 salmenta postu egongo dira eta elikagaiak prestatzeko tailerrak ere bai. EHNEko kide Maider Aramendik azaldu du ekintzaren asmoa eta Eusko Jaurlaritzak urriaren 15ean aurkeztuko duen Emakume Baserritarren Estatutuaren auzia.
Info 7 Irratian, Kale Gorrian saioan (irailaren 24an), Jon Mikel Fernandezek Maider Aramendiri (EHNE) egingiko elkarrizketa (entzuteko, hemen):
Zer helbururekin antolatu duzue larunbat honetarako azoka?
Azken urteetan desio bat izan dugu EHNEko emakumeok: gure figura den bezala gizarteratzea. Ez itxura bakarrik, baita egiten dugun lana ere. Sektoreko langile izaki, nola ekoizten dugun, nola saltzen dugun, gizarteratu nahi dugu. Asko hitz egiten da sektoreaz, asko hitz egiten da elikaduraz, eta jakintza ez da behar adinakoa. Ekoizten duguna nola eta zergatik ekoizten dugun modu horretan, guk geuk, protagonista zuzenek adierazi nahi dugu.
Zein egitarau prestatu duzue?
Euskal Herri osoko emakume ekoizleen 20 salmenta postu egongo dira. Baina ez da salmenta leku hutsa izango. Horrez gain, tailer eta ikus-entzunezkoen bidez ekoizpen horiek nola egiten diren aurkeztuko dugu larunbatean. Gardenki azaldu nahi dugu prozesu osoa, hazia lortzeko modutik, erein, zaindu, jaso eta mahaira nola ekartzen den. Eta mahairatzeko nola bihurtu daitekeen jasotako ekoizpen hori elikagai osasuntsu. Kiosko aldean sei tailer postu egongo dira eta tailerretan konpota egitea, sendabelarrekin kremak egitea, argizariarekin xaboiak eta kandelak egitea, mamia egitea, artilearekin gauzak egitea... landuko dugu. Dena kokatzen dugu elikadura burujabetzaren barruan.
Komunikazio postu bat ere egongo da: Emakumeen Mundu Martxa abian da (Euskal Herrian irailaren 27an sartuko da, urriak 4 bitartean). Ekitaldi hau baliatu nahi dugu bat egiteko Emakumeen Mundu Martxarekin.
Emakume baserritarren irudia agerrarazi nahi duzue... ezkutuan egon delako orain arte?
Ezkutatua baino, erabilia izan delako. Emakume Baserritarren Estatutu famatu hori ez da berria. Azken 7-8 urteetatik hona datorren proposamen bat da. Emakume baserritarron sektoreak aspaldidanik egin dugun aldarrikapen bat da. Lanean aritu gara Eusko Jaurlaritzako batzordearekin, egikaritu nahian estatutu duin bat, langile estatutu bat. Eusko Jaurlaritzan zeuden alderdi politikoak aldatzen joan dira, eta interes politiko eta propagandistikoen menpe, ez da egikaritu benetako lege txukunik. Interes politiko eta propagandistiko handia du, eta horregatik esaten dugu emakume baserritarron irudia erabilia izaten ari dela. Eta Emakume Baserritarren Estatutu hori hutsala dela. Ez ditu zerrendatzen emakume baserritarrak benetan izan behar dituen eskubideak, eta ez ditu hauek betearazten edo kontrako egoerak zigortzen. Triste gaude, 7-8 urtetako lana ezerezean geratzeko arriskua dugulako. Eta aurkezten digute estatutu zoragarri bat bailitzan. Ezertara behartzen ez duen estatutu batean geratuko da guztia. Sektorea soilik behartzen du, baina ez administrazioak eta ez erakundeek ez dute eurengan hartzen inolako lantegirik: ez informatzekoa, ez ahalbideratzekoa, ez neurri positiborik... Azoka Gardenarekin hori guztia ere salatu nahi dugu eta gizarteari adierazi irekita gaudela benetan duina den langile estatutu bat lantzeko.
Zertan da Emakume Baserritarren Estatutua? Onartzear?
Duela pare bat urte, urriak 15a izendatu zuen Eusko Jaurlaritzak Emakume Baserritarren Eguna. Eta hori ez da gure eguna, gure eguna Martxoak 8 da. Urriak 15ean egin nahi dute publiko estatutu hau, gobernuko ekitaldi arranditsu horietako batean txertatuta. Aitzindaria litzatekeen lege gisa aurkeztuko dute. Hori da astearte honetan jakin berri duguna. Triste gaude, gurea ez den egun batean halako aukera alferrik galduko delako.
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
Intxaurrondoak ekainean emango du bere fruitua. Lan bikaina egin du, esfortzuak merezi izan du. Lehen beroaldiekin zirkulazioak eta bihotzak zaintza bereziak behar dituzte. Garrantzitsua da hidratazioa mantentzeko neurriak hartzea –ura, infusioa eta saldak– eta fruta... [+]
Uda da sasoirik oparoena baratzean. bai, behintzat, udaberrian ereintza eta landaketa lanak egin badira. iazko uda ez dadila errepikatu desio dute elikagaiak lurrean eta zeruari begira lantzen dituzten laborariek. Izan ere, batez beste %45 uzta txikiagoa jaso zuten. Datu hori... [+]
Aurten ez dut aparteko ilusiorik San Ixidro egunerako. Ez dut girorik aurkitzen. Ingurura begiratu eta giro ospela. Burua lanean jarri behar izan dut epeltasun bila, eta hara non, azaldu zaizkit gure gazten zain hilabeteak daramatzaten lagunen irribarreak. Bihotza epelxeago dago... [+]
Espainiako Gobernuak Eskola Jantokien inguruko Errege Dekretua atera berri du, Euskal Herri Hegoaldeko eskola jantokien kudeaketan eragingo duena. Spoiler: elikadura sistema osasuntsu eta jasangarri bat garatzeko inolako asmorik erakusten ez duen dokumentua da.
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Bizkaigane elkarteak elikadura burujabetzan oinarritutako proiektua du Errigoitin (Bizkaia), 1983tik. Instalazioak dauden lur eremutik aterarazi nahi du lur jabeak elkartea. EHNE Bizkaia sindikatuak adierazi duenez, instalazioek lege eta administrazio eskakizun guztiak betetzen... [+]
Martxoaren 10etik 26ra izango da udaberriko kanpaina. 'Beste modura, denona de onura' lelopean arituko dira gertuko ekoizpena, banaketa eta kontsumoa babestu eta sustatzeko, ager zonaldean euskara hauspotzen duten bitartean. Apirila amaieratik aurrera jasoko dira... [+]
Euskal Herriko bi muturretatik datoz Itziar (Bilbo, 1982) eta Ekaitz (Erriberri, 2002), sortzen ari den Burujabetzaren Aldeko Mugimenduaren berri ematera. Euskal Herrian diren burujabetza prozesu ugariak arloz arlo bultzatu eta indartu nahi ditu BAMek. Lan horretan hasteko,... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.