Elkarrizketa eta harenga nekez etortzen dira bat
Asiako herrialde gehien-gehienak bertan izateak oso izaera eta giro berezia ematen diolako, eta hedabide-estaldura ere halakoa duelako, aparteko sona lortu du hogei urteren buruan IISS-International Institute for Strategic Studies britainiarrak Singapurren antolatzen duen Asia Security Summit-ak.
Elkarrizketarako sortua dela dio ofizialtzat har dezakegun izenburuak: Shangri-La Dialogue.
Urtero udaberri-hondarrean Singapurren mintzaleku duen hotelaren izenak ematen dion kutsu esoteriko samar horrek lagunduta edo, baina Asiako herrialde gehien-gehienak bertan izateak oso izaera eta giro berezia ematen diolako, eta hedabide-estaldura ere halakoa duelako, aparteko sona lortu du hogei urteren buruan IISS-International Institute for Strategic Studies britainiarrak antolatzen duen Asia Security Summit-ak. Eta garrantzi mailan azpiratuta utzi ditu aurrekari lituzkeen Halifax International Security Forum (Washington, AEB) edo Munich Security Conference-a (Alemania).
Egiari zor, monologoak ilaran jarriz elkarrizketa egiten ez bada ere, uniformedun eta kidekoen arteko solas-asmo horretarako eratu diren ekitaldien artean bere helburu teorikora gehien hurbiltzen dena izateak ere izango du zerikusia Shangri-Laren arrakastan.
Aurtengora arte. Aieru makurrekin abiatu zen Trump 2.0 aldiko lehen topaketa. Hastear zenean, Pekinek iragarri zuen Dong Jun Defentsa ministroa ez zela aurtengo ekitaldian izango. Ez zen itxura-kontu hutsa: Shangri-La bilkuraren enbor bilakatu da munduko bi potentzia nagusietako Defentsa arduradunen arteko zuzeneko solasa. Iaz denek ebatzi zuten Dong beraren eta Lloyd Austin, AEBetako Defentsa idazkariaren arteko aurrez aurrekoa eredugarria zela. Eta lasaigarria, 2023an elkarri bostekoa ematera besterik ez baitziren iritsi Austin eta Li Shangfu, Dongen aurrekoa. Aurten, halakorik ere ez.
Ekitaldia hasi eta Peter Hegseth-ek, Trumpen Defentsa idazkariak, bilduen aurrean hitzaldia egin zuenean, nahiko argi geratu zen zeri aurrea hartua zion Dongek: balizko solaskideak ez zekarren elkarrizketa asmorik. Ez horixe. Harenga-generotik hurbilagoko zerbait izan zen Hegsethena, bertan zirenei deiadar eginez, aurre egin ziezaiotela berehala gainean izango omen duten mehatxu txinatarrari. Haietako askok Txinarekin era guztietako hartu-emanak (baita militarrak ere) badituztela gogoan izan gabe, antza.
Berez, bazirudien aspaldi gabe Fox News-en zituen bere entzuleentzat ari zela, Shangri-Lan zeudenentzat baino gehiago. ASEAN (Hego-Ekialdeko Asiako Nazioen Elkartea) zer zen ez zekienak erraztasun gehiegitxo eskaini zizkien bertan ziren enegarren mailako ordezkari txinatarrei.
Protagonista nagusiak izan behar zutenek utzitako hutsunea betetzeko aukera zuen aurtengo gonbidatu nagusia zen Macronek, Frantziako presidenteak, baina inor gutxik hartu du aintzat haren hitzaldi moldaerraza. Elkarrizketarako, prestasuna ez ezik zeresana ere eduki behar baita.
Hamabost urte inguruko lau surflari israeldarren parte hartzea zela eta, hainbat eragilek protesta egin eta Groseko Surf Indarrak elkarteak lehiaketan ez parte hartzea erabaki du. Waxdayz jaialdiaren antolatzaileek ere surflari israeldarrak kaleratzea eskatu die WSL World Surf... [+]
.jpg)
Gazako Osasun Ministerioaren arabera, AEBek eta Israelek kontrolatzen dituzten laguntza humanitario banatzeko zentroetan 102 palestinar hil dituzte azken zortzi egunetan: "Gerra krimen beldurgarria da, nahita egindakoa eta behin eta berriz errepikatutakoa". Erasoa... [+]
Israelgo armadako tankeak eta droneak zentrora bertaratzen ari ziren palestinarrei eraso egiten hasi dira, eta 31 lagun hil eta 115 zauritu dituzte. Israelek AEBek proposatutako su-etena onartu ostean, Hamasek zenbait baldintza gehitzea eskatu du: su eten iraunkorra... [+]
Proposamenak “hilketek eta goseteak” bere horretan jarraitzea bermatuko duela salatu du Hamasek, baina gehitu du zer erantzun aztertzen ari dela. Israelek proposamena onartu duela jakinarazi dute AEBek.
Mohamed Sinwar Gazako Hamaseko burua hilik agertu da, Israelgo armadak Gazan egindako bonbardaketa batean. Hamasek oraindik ez du baieztatu Sinwarren heriotza.
Israelek AEBetako enpresa bati eman dio laguntza humanitarioa banatzeko ardura, eta NBEk salatu du laguntza banaketako irudiak “oso larriak” direla. Israelek defendatu egin du banaketa sistema. Jakinarazi dute asteazkenean ez dutela laguntza humanitariorik... [+]
Ekialde Hurbila lehen aldiz zapaldu eta bi hamarkadatara, Gazaren historia eta bertako istorioak dakartza Mikel Ayestaranek (Beasain, Gipuzkoa, 1975) bere azken liburuan: Historias de Gaza. La vida entre guerras (Gazako kontakizunak. Gerra arteko bizitza) (Península,... [+]
Maiatzaren hasieran zerrendaren aurkako oldarraldia "gogortuko" zuela iragarri ondoren, esandako berresten ari da Israel: azken 224 orduetan 50 lagun hil ditu. Gainera, Gazan bizi diren 2,5 milioi palestinarrek pairatzen duten gosetea areagotzen ari da azken asteetan... [+]
Washingtonen Israelek duen enbaxadako bi langile tiroz hilda agertu eta gero egin ditu adierazpenak Netanyahuk. Israelgo Gobernuak zuzenean lotu ditu Washingtongo erasoak eta Europako zenbait gobernuburuk Gazako sarraskiaren aurka egindako adierazpenak.
NBEk azaldu duenez, egunotan soilik 90 kamioi sartu ahal izan dira lurraldera oinarrizko elikagaiekin; beste 105 zain daude mugan. Gazako gobernuaren prentsa bulegoak emandako datuen arabera martxotik 326 pertsona hil dira elikagai eta botika faltagatik eta 300 abortu izan dira... [+]
Teheranek ez du baieztatu hurrengo elkarrizketa-saioan parte hartuko duen, Israelgo Estatuak Irango instalazio nuklearrei eraso egiteko mehatxuak egiten dituen bitartean.
Europako Batasunak ere Israelekin dituen akordio komertzialak “berrikustea” erabaki du, 27 estatutik 17k aldeko botoa eman eta gero. Dagoeneko 53.000 hildakotik gora eragin ditu Netanyahuren gobernuak.
Astearte eguerdian egin du ohartarazpena Nazio Batuen Erakundeak. Astelehenean laguntza humanitarioa daramaten bost kamioi sartuko direla iragarri du Israelek, hamaika asteko blokeo erabatekoaren ostean. "Tanta bat da ozeanoan", adierazi du Tom Fletcher NBEko Giza... [+]