Elkarretaratzea eginen dute gaur Donibane Garazin, izandako bortxaketak salatzeko
Donibane Garaziko herritar talde batek finkatu du hitzordua, "Eraso sexistarik ez, aski da!" lemapean. Martxoaren 8ari begira osaturiko Ipar Euskal Herriko asanblada feministak eta Bagera kolektibo feministak ere deitzen dute mobilizaziora. Navarre lizeoan izandako bortxaketak salatzeko eta jendarte patriarkalaren bukaera exijitzeko unea izanen da.
Bortxaketa salaketa jarri duten Navarre lizeoko neskei elkartasuna erakutsiko zaie astiri honetan, 19:00etan Donibane Garaziko herriko etxe aitzinetik. Bertako herritar talde batek finkatu du hitzordua eta bertaratzeko deia luzatu dute ere martxoaren 8ari begira osaturiko Ipar Euskal Herriko asanblada feministak eta Bagera kolektibo feministak.
Joan den astean jakin zen salaketa jarria dutela Donibane Garaziko lizeo horretan dabiltzan adin ttikiko bi neskek, jasandako talde bortxaketaren harira. Herri horretako jendarmeria ari da kasua aztertzen.
Bortxaketa kulturarekin bukatzeko
Jendarte heteropatriarkalak bideratu bortxaketa kultura salatzeko helburuz egin du bertaratzeko deia martxoaren 8a antolatzeko biltzen den Ipar Euskal Herriko asanblada feministak: "Genero-sexu sistemak manera desberdinetan zapaltzen gaitu, haietako bat dugu bortxaketa kulturaren mantentzea eta sustapena. Sistema hau errotik iraultzeko, bortxaketa kulturarekin behin betiko bukatzeko, funtsezkoa zaigu borroka feministaren baitan antolatzea". Elkartasun eta sostengu osoa bideratu die asanbladak bortxaturiko emakume gazteei. Hezkuntza feminista baten beharra ere aldarrikatzen du asanbladak: "Hezkuntza eta hortik mentalitateak feminismotik aitzinarazi behar ditugu, bortxaketa zerrenda luzeegiarekin bukatzeko".
Irakurketa horrekin bat egin du Hendaiako Bagera kolektibo feministak.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.