Elikadura burujabetzaren eta nekazaritza ekologikoaren jaia Zestoako Iraetan

  • Biolur Nekazaritza Ekologikoaren Aldeko Elkarteak 30 urte betetzen ditu aurten. Hori ospatzeko, jaia antolatu du uztailaren 9an, igandea, Zestoako Iraetako frontoian. "Elikagai artifizialen bidez kapitalaren interesak soilik lehenesten dituzten proposamenen aurrean" beraien irakurketa plazaratu dute eta jaia baliatuko dute eskuartean duten Amillubi proiektua herritarrei aurkezteko. Beraz, Euskal Herriaren elikadura burujabetzaren alde dagoen eragile, erakunde zein herritar orori egin diete bertaratzeko deia.


2023ko uztailaren 06an - 06:38

Biolur elkarteak honela gogoratzen ditu 1993an eman zituen lehen urratsak: "Hasiera haiek zalantza eta aurreiritzi asko eta laguntza gutxiko garaiak izan ziren; jendartean oraindik ere kontzientzia ekologiko oso gutxi zegoen. Printzipio etiko batetik gauzak beste modu batera egiteko gogo eta satisfazioak akuilu hartuta, sarerik gabe pausua eman zuten eta eredu bihurtu ziren Biolur sortu zuten kideak".

Egun 300 kidek baino gehiagok osatzen dute Biolur, eta jai honetan elkartu nahi dute, "errekonozimendua, poza eta ilusioa ospatzeko; proiektu garrantzitsuak ditugulako esku artean, eta baita taldea eta indarra ere horiek lurreratzeko".

Elikagai artifizialen aurrean

Mugimendu agroekologikoko eragile gisa, irakurketa hau plazaratu du Biolurrek: "Egun bizi dugun krisi ekologikoaren testuinguruan eta elikagai artifizialen bitartez kapitalaren interesak soilik lehenesten dituzten proposamenen aurrean, etorkizun desiragarriak eraikitzeko gure konpromisoa adierazi nahi dugu; eta epe motz, ertain eta luzeko ekintzak eta estrategiak behar ditugula azpimarratu nahi dugu. Estrategia horiek guztientzako justuak, askatzaileak eta bizitzen aldekoak izatea oinarrizkoa dela uste dugu. Horretarako, Gipuzkoako zein Euskal Herriko Elikadura Burujabetza eta Nekazaritza Ekologiaren aldeko eragile, erakunde zein herritar ororekin etorkizun iraunkorra eta oparoa eraikitzea dugu lan ildo nagusietakoa, sarea eta ekintza agroekologikoa oinarri hartuta. Ildo horri heltzeko deia egiten dugu.

Biolurren festa uztailaren 9an Iraetako frontoian

Biolurren 30 urteurreneko festa uztailaren 9an, igandean izango da, Iraetako frontoian. 12:30ean Amillubi Txiki baserri eremura bisita egingo dute eta bertan azalduko dute Biolurrek aurrera begira duen "proiektu garrantzitsua".

Ondoren, 14:00etan ospakizun ekitaldia egingo dute Iraetako frontoian eta jarraian, bazkaria. 16:30ean Monsanto Kilombo taldeak girotuko du frontoia.

Hona hemen kartel osoa:

 


Kanal honetatik interesatuko zaizu: Laborantza ekologikoa
2024-06-10 | Garazi Zabaleta
Hiru Xilo
Baratzegintza ekologiko intentsiboa

Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]


Nafarroako nekazaritza-ekoizpen ekologikoak lurren %25 kudeatu nahiko lituzke 2030ean

Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]


2024-03-14 | Leire Artola Arin
EAEko nekazaritza lurren %5ak soilik dauka ziurtagiri ekologikoa

Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.


2024-02-19 | Garazi Zabaleta
Garroko Etxaldea
Herriko etxeak bultzatutako proiektua, laborantza biologikoan erreferente

2011n abiatu zuten Lekorneko Garroko Etxaldean laborantza biologikoko proiektua: “Lurrak Herriko Etxearenak ziren, eta bertako eta Herri Elkargoko hautetsiek sortu zuten proiektua”, azaldu du Argitxu Ithourria kideak. Laborantza biologikoa bultzatzeko helburuz abiatu... [+]


Agroekologiaren alde egiteko dei egin du Egurra ta Kandela baserritar ekintza kolektiboak

Nekazaritza eta abeltzaintza “errotik” aldatzeko trantsizio agroekologikoaren aldeko elkarretaratzea eginen dute, hilaren 16an, Gipuzkoako Foru Aldundiaren egoitzaren aurrean.


Eguneraketa berriak daude