Ehungintzako langileari eskaintza berezirik ez urtarrilak: lanegun partziala eta soldata izoztuta
Gipuzkoako ehungintzako langileek greban jarraituko dute larunbata arte gutxienez, sektoreko hitzarmena negoziatzeko patronalak erakutsitako jarrera makurra dela-eta. Nafarroan, La Morea merkatal zentroko H&M saltokiko langileak ere greba mugagabean dira abenduaren 9az geroztik, 2009tik soldatak izoztuta dituztela salatzeko.
Urtarrila beherapenen eta eskaintza berezien garaia izan ohi da saltoki askotan, baina ehungintzako langileei ez zaizkie lan-baldintzak ezertarako aldatu eta jarraitzen dute lanegun partzialak egiten eta soldata eskasak jasotzen. Joan den abendutik borrokan ari dira sektore feminizatatu horretako beharginak, euren eskubideak aldarrikatzeko.
Gipuzkoan, abenduaren 28an hasi zuten greba ehungintzako langileek eta larunbata arte iraungo du gutxienez. ELA sindikatuak sektoreko patronala kritikatu du, Gipuzkoako Merkatarien Elkartea, baita Adegi ere, 2.700 langileri eragiten dien lan-hitzarmena ez dutelako berritu eta, ondorioz, langileek baldintza prekariotan egiten dutelako lan, "behin-behinekotasunaren desorekak" jota. KPIaren araberako soldata igoera eskatzen dute ehungintzako langileek, eta partzialtasunarekin amaitzea.
ELAko ehungintzako ordezkari Amaia Pintadok Berria egunkariari azaldu dionez, abenduaren 15etik sindikatuak eta bi patronalak ez dira bildu hitzarmenaren inguruan hitz egiteko eta azken horiek negoziazioa "blokeatzen" ari dira.
Grebaren jarraipen daturik eman ez duen arren eragin handia izaten ari dela ziurtatu du ELAk –ordezkaritzaren gehiengoa du alor horretan Gipuzkoan–, eta hainbat saltoki guztiz itxita daudela.
Gipuzkoan soilik ez, Nafarroan ere borrokan ari dira La Morea merkatalguneko H&M-ko 18 langileak abenduaren 9az geroztik. Azaldu dutenez, langileek 1.000 euro baino ez dituzte kobratzen zortzi orduko lanaldiagatik, eta 500 euro lanaldi erdian badabiltza. Nafarroako eremuko enpresa hitzarmen bat negoziatzera behartu nahi dute langileek enpresako zuzendaritza, baina oraindik ez da bildu grebalariekin
Ehungintzako sektorean soldatak 2009tik izoztuta daude eta ELAk egindako kalkuluen arabera erosteko ahalmenaren %17 galdu dute orduz geroztik.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
ELA sindikatuak salaketa penala aurkeztu du Amurrioko Instrukzio Epaitegian Guardian Europako lehendakariordearen eta gai juridikoetako arduradunaren aurka, Autoglas-Glavista enpresan izandako gertakariengatik.