“Eskulan merkea baino ez garela ematen du”
Lan-baldintzen "benetako" hobekuntza eskatzeko protestan dabiltza EHUko aurre-doktoreak. Euren lan-eskubideak ukatzeko unibertsitateak legearen "anbiguotasuna" erabiltzen duela salatu dute.
Lan-baldintza duinak eskatzeko asmoz, Aurre-doktoreen Asanblada sortu zuten iaz EHUko 300 ikerlari inguruk. Kexu dira unibertsitateak, Espainiako Gobernuaren aginduz, aurre-doktoreen kontratua, "aldebakarrez eta gardentasun eskasaz", orain arte obra eta zerbitzu kontratua zena praktikaldi-kontratua izatera aldatu zuela iaz, euren egoera are prekarioago bilakatuz eta kolokan ipiniz. 2014tik aurrerako kontratuetan egin dute aldaketa, atzerako eraginagaz.Patxi Juaristi Bizkaiko Campuseko errektore-ordeak azaldu duenaren arabera, Zientzia, Teknologia eta Berrikuntzako 2011ko Legean oinarritzen dira kontratu horiek, "horrek esan gura du kontratuek prestakuntzarakoak izan behar dutela; eta benetan sinesten dugu horretarako kontratuak direla".
Bere aldetik, Eneko Romero asanbladako kideak dio tesi bat egiteagatik ordaintzen diela EHUk ikerlariei, "ez formatzeagatik". Gainera, gogoratu du egindako lan zientifiko denetan unibertsitatearen izena aurkeztu behar dutela, eta hori normala dela dio. Baina horren truke EHUk langile izaera onartzea eta lan-baldintzak zein eskubideak bermatzea eta babestea eskatu diote unibertsitateari. Era berean, EHUk euren figura "anbiguoa" erabiltzen duela deitoratu du, alde batetik doktoretza-programa batean dauden ikasleak direlako eta, bestetik, langileak direlako, euren ikerketengatik ordaintzen dietelako: "Anbiguetate juridikoa darabilte figura bi horiek nahasteko eta gure kontratua formaziozkoa dela esateko". Romerok gogoratu du aurre-doktoreen izaera juridikoa garatu behar zuen araudia ez dela garatu oraindino.
Eskatzen dutena, puntuz puntu:
- Aurre-doktoreen kontratuari "prestakuntzarako" kategoria kendu.
- Kontratua amaitutakoan indemnizazioa bermatu.
- Soldata irakasle laguntzaileen soldatagaz berdindu, murrizketa barik.
- Ikertzaile Doktoregai Kontratatuak EHUko lan-kontratadun irakasle eta ikertzaileen hitzarmen kolektiboan sartu.
Konponbide bila
Patxi Juaristiren ustez, arazoari irtenbidea emateko berba egin beharra dago, eta adierazi du EHUk borondate osoa duela aurre-doktoreakaz biltzeko. Romerok, ostera, uste du aurretik egindako bileretan unibertsitateak hamaika aitzakia erabili dituela bere erantzukizuna ukatzeko, "ez da negoziaziorako margenik eskaintzen". Hala, azaldu du euren kontratua EHUgaz sinatuta daukatela eta, ondorioz, unibertsitateko langileak direla. Horregatik, sindikatuakaz harremanetan ipini dira eta negoziazio kolektiboaren bidez bideratzen dabil dena: "Unibertsitateari ez zaio interesatzen marko horretan jorratzea gaia, gure langile izaera onartu behar duelako, baina sindikatuen bidez gure egoera mahai-gainean dago". Modu berean, asanbladako kideak uste du ez dela agenda-arazo bat, "borondate-falta" baizik. Dena dela, aitortu du ez diotela uko egiten bilera bat eskatzeari, "baina horretarako EHUk bere ardura onartu behar du, eurak direlako gure enplegatzaileak".
Albiste hau Hirukak argitaratu du eta CC-by-sa lizentziari esker ekarri dugu ARGIAra.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
ARGIAren komunikazio proiektua barrutik ezagutu eta kazetari gisa trebatzeko aukera zabalduko dugu. 2026an gure erredakzioan praktikak egin nahi badituzu, animatu eta aurkeztu zaitez azaroaren 6an egingo dugun azterketara. Kazetaritzako, Ikus-entzunezko Komunikazioko,... [+]
Ikasleen gurasoek salatu dute garraio publiko zuzenik ez dagoela eskualdetik Kanpusera heltzeko eta Renferen zerbitzuak luzatzen duela egunero bidaia, ia lau ordura heldu arte.
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
EHUk eginiko ikerketaren arabera, Araba, Bizkaia eta Gipuzkoako etxeko langileen %43,10ak ez du inoiz lan kontraturik izan, baina enplegatzaileen %70ak uste du "baldintza ezin hobeak" ematen dizkietela beren etxeko langileei. Etxeko langileen %27,4 egoera... [+]
Unibertsitatera sartzeko azterketa eredu berria estreinatu eta gutxira, datorren ikasturterako azterketa berriz ere “goitik behera” aldatuko dietela eta probak eskakizun maila altua izango duela salatu du EAEko Historiako irakasle talde batek. Azterketa eredua... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
EHUk, aldiz, azaldu du ezinezkoa dela hitz emandako 40 plaza berriak eskaintzea, ez baitute horretarako baliabiderik. Plaza berrien kopurua pixkanaka areagotzeko asmoa erakutsi du EHUk.
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Martxoaren lehenengo lanegunarekin batera, komunikabideetan azalduko ez diren aldaketak etorri dira EHUn. Azken Lan Publikoko Eskaintzaren ondorioz, ehunka langile –arlo tekniko eta administrazio zerbitzutakoak– orain arte okupatzen zuten lanpostutik atera eta beste... [+]