EHUk espedientea ireki dio sexu erasoa egiteagatik salatutako arkitektura fakultateko irakasleari

  • Arrakala eta UIB taldeek iragan ostiralean publiko egin zuten erasoa urriaren 4an gertatu zen, eta gaur mobilizazioa jendetsua egin dute ikasleek. Aurrez aurreko klaseak emateko debekua ere ezarri dio irakasleari, ikerketa amaitu bitartean.

Argazkia: @arrakalataldea

2021eko urriaren 25an - 15:55
Azken eguneraketa: 18:03

Euskal Herriko Unibertsitateak astelehen eguerdian jakinarazi du besteak beste ikasleei zakila erakusteagatik salatutako irakasleari espedientea ireki diola. “Gertakari desatsegin” horren aurrena hartu du erabakia EHUk, gertatutakoa “ezagutu” eta ikerketa amaitzean “ebazpen egokiena proposatu asmoz”. Klasea aurrez aurre emateko debeka ezarri dio irakasleari, halaber: “Bakarrik modu telematikoan eman dezake irakaskuntza, eta, beraz, bere lanean presentzialtasun oro baztertuta”. EHUk erabakia jakinarazi duen egun berean mobilizazio jendetsua egin dute ikasleek Arrakala emakumeen taldeak eta Unibertsitateko Indar Batasunak deituta, erasoa eta EHUren jarrera salatzeko.

Aurrekariak

Urrriaren 4an Donostiako Arkitektura Goi Eskola Teknikoko irakasleak, besteak beste, "ikasleei zakila bortizki erakutsi" zien, Arrakalak eta UIBk salatu zutenez. Adierazi zuten lehenago ere eraso gehiago burutuak zituela irakasleak. “Gertaera hau bi aste beranduago salatzen ari bagara, EHUk honen inguruan informaziorik eman ez duelako da. Unibertsitatearen irudia ez zikintzearren, larritasun handiko eraso hau ezkutatu dute", salatu zuten bi eragileek.


Kanal honetatik interesatuko zaizu: Sexu Erasoak
Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Lau urteko kartzela zigorra ezarri diote 41 urteko gizon bati Iruñean, bikotekideari sexu erasoak egiteagatik

Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.


Bi gizon atxilotu dituzte Galdakaon, sei adingaberi sexu erasoak egitea egotzita

Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.


2024-02-13 | ARGIA
Bi gizon atxilotu dituzte Tolosan eta Ibarran, hiru sexu-eraso egitea egotzita

28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.


Eguneraketa berriak daude