EH Bilduk eta EAJk autogobernu ponentzian adostutakoa kinkan jarri du adituen batzordeak

  • EAJ, PSE eta Elkarrekin Podemos talde parlamentarioen gehiengoarekin osatutako adituen batzordeak, EAErako estatus berriaren artikulazioan erabakitzeko eskubideari garrantzia kendu dio. EH Bilduk desadostasuna erakutsi eta hasieratik defendatutako oinarriak aurkeztuko dituela esan du.

Igor Galarza Intxausti @IgorGalarza
2019ko azaroaren 21a
Adituen batzordea

Adituen batzordea EAJ, PSE eta Elkarrekin Podemoseko ordezkariek osatzen dute, eta El Correo-ren arabera, “akordio zabal bat” dute hiru talde parlamentarioek estatus berriaren txostena idazteko.

Horrek zalantzan jarri ditu EH Bilduk eta talde jeltzaleak autogobernu ponentzian adostutako oinarrizko lerroak; Gara-k azaldu duenez, erabakitzeko eskubidea ere ezbaian dago adituen testuan.

Idoia Mendiak adierazi du erabakitzeko eskubidea “falazia” bat dela: “Hurrengo Estatutua ildo beretik joan behar da. Ez dugu sinesten erabakitzeko eskubidean. Ibarretxeren garaia sortutako kontua da”.

Egoera horren aurrean, EH Bilduk adituen lanarekiko desadostasuna erakutsi du. Estatus berritik distantzia hartu eta taldeak artikulatutako txostena aurkeztuko duela adierazi du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal Autonomia Erkidegoko politika  |  EAJ  |  PSE-EE  |  EH Bildu  |  Podemos  |  EAE

Euskal Autonomia Erkidegoko politika kanaletik interesatuko zaizu...
Azkenak
EGILEA
Eguneraketa berriak daude