Unai Elorriagak, Karmele Mitxelenak eta Maite Rosendek irabazi dute literaturaren Euskadi Saria
Elorriagaren 'Francesco Pasqualeren bosgarren arima', Mitxelenaren 'Aitona Floren' eta Rosenderen 'Traba' saritu ditu aurten Eusko Jaurlaritzak. Sari banaketa azaroaren 26an egingo da.
"Apustu literario sendoa" delako, eta irakurlearen "irakurketa aktiboa" eskatzen duelako, besteak beste bi motibo horiengatik saritu dute Unai Elorriagaren Francesco Pasqualeren bosgarren arima (Susa) lana. Ipuin narrazioak harilkatu eta eleberri izaera eman diola nabarmendu dute sariak jakinarazteko ekitaldian, urriaren 6an Bilbon, Bidebarrieta Liburutegian.
Haur eta Gazte Literaturako saria, berriz, Karmele Mitxelenaren Aitona Floren (Elkar) liburuarentzat izan da. Haurrak protagonista ipinita, heriotzaz eta doluaz mintzo da liburua, erabateko monologo batean. Saritua izateko, gaia "dramarik gabe" lantzea goraipatu diote, "oso hurbileko" kontakizun batean.
Ilustraziorako saria, azkenik, Maite Rosenderen Traba (Denonartean) lanarentzat izan da. "Proposamen ausarta" dela nabarmendu dute sari emaileek, bai bederen "koloreen aukeraketari eta irudien figurari" dagokienean. "Album bizia eta erritmikoa" dela nabarmendu dute, irudi "kaotikotik lasaiagora salto eginez".
Lau sari banatzeko
Lehen hirurak jakinarazi ditu dagoeneko Eusko Jaurlaritzak, eta falta diren lauak datorren astean esango ditu –gaztelaniazko literatur lan onenari saria, euskarazko literatur itzulpenari, euskarazko saiakerari eta gaztelaniazko saiakerari–. Saridun guztiek 18.000 euro eskuratuko dituzte, eta 4.000 euro gehiago lan saritua beste hizkuntza batean argitaratuz gero.
Aurtengo zazpikotea osatuta, sari banaketa ekitaldia azaroaren 26an egingo dute, Donostiako San Telmo Museoan.
2020ko Euskadi Literatura Saria irabazi zuen Cambiar de idea (Ideiaz aldatu) autofikzio feministarekin. Emakume idazleek literatura kanon patriarkalera egokitu beharra kritikatu zuen liburu horretan. Todo empieza por la sangre (Dena odoletik hasten da) bere seigarren... [+]
Euskarazko Literatura Itzulpena, Saiakera Euskaraz eta Gaztelaniazko Literatura kategorietako irabazleen berri eman dute Donostiako San Telmo Museoan egin den aurkezpenean. Saiakera Gaztelaniaz saria ez ematea erabaki du epaimahaiak.
Ondorengoek irabazi dute euskarazko kategorian: Arantxa Urretabizkaia, Patxi Zubizarreta, Miren Billelabeitia, Maialen Berasategi, Joxe Mari Berasategi eta Joseba Larratxek.
Aita-alabek Abdulrazak Gurnah-en Paradisua liburua itzuli dute euskarara. Tanzaniarrak Literaturako Nobel saria irabazi zuen 2021ean. Miren Billelabeitiak Saiakerako Euskadi saria jaso du Norberak maite duena. Hitza gogoan, irakurketa biziz lanagatik.
Azken Etxea, Zerria eta Ni ez naiz Mikel Laboa lanak saritu ditu epaimahaiak Euskarazko Literatura, Haur eta Gazte Literatura eta Ilustrazioa kategorietan hurrenez hurren. Oraindik beste lau irabazle daude jakinarazteke.
Euskarazko Literatura saria jaso du Apaolazaren 'Bihurguneko nasa' ipuin bildumak, Euskarazko Haur eta Gazte Literatura saria Bilbaoren 'Barruko hotsak' albumak, eta Literatur Lanaren ilustrazioaren saria Mutuberriaren 'Irrimola' lanak.
Urriaren 14an jakianrazi zituzten sarietuetako zenbaiten izenak, eta asteazkenean eman dituzte ezagutzera gainontzekoak. Pello Lizarralde, Anjel Lertxundi, Joxan Elosegi, Alex Gurrutxaga, Mikel Reparaz, Txani Rodriguez eta Javier de Isusi dira 2021eko edizioko sarituak.
Ingeborg Bachmannen Aldibereko ipuin liburuaren itzulpena eta Kontrako eztarritik liburuko emakume bertsolarien testigantzak nabarmendu dituzte alor bakoitzeko epaimahaiek.
Karmele Jaioren Aitaren etxea nobelak irabazi du aurtengo Euskadi Saria euskarazko literaturaren kategorian. Iñigo Astizen Joemak eta polasak nabarmendu du epaimahaiak euskarazko haur eta gazte literaturaren alorrean.
Euskarazko literatura, haur literatura eta literatur lanen ilustrazioa kategorietako sariak jakinarazi dituzte. Azaroaren 18an izango da sari banaketa, Donostiako Tabakaleran.
Gauza arraroak gertatzeko posibilitateak atzo guztiz agortu zirela sinetsita, igo gara ba gaur arratsaldean ere Durangoko Azokako antolatzaileek Landako gunean utzi diguten mahaira, behingoz kontu arruntak kontatzen dituen artikulu bat idazteko prest gure kulturaren alfa eta... [+]
Asteazken honetan jakinarazi dituzte literaturako Euskadi Sarietan falta ziren kategorietako irabazleak: Eider Rodriguezek aurtengo bigarren saria eskuratu du, oraingoan haur eta gazte literaturari eskainitako kategorian, Santa familia liburuari esker.