Egoera ez bada okertzen, hirugarren fasera pasako da Hego Euskal Herria ekainaren 8an

  • Hirugarren fasera pasatzeak berritasun garrantzitsu bat bideratuko du: erkidegoek kudeatu ahal izango dituzte konfinamendua arintzeko neurriak.


2020ko ekainaren 02an - 10:45

Pausoz pauso alarma sanitario egoeratik ateratzen ari da Euskal Herria eta egoera okertzen ez bada, ekainaren 8an emanen da urrats berria, hirugarren fasera pasaz EAE zein Nafarroa. Alarma egoeratik ateratzeko azken pausoa izanen da datorren astekoa eta beste koska bat malgutuko dira alarma egoerak beharturiko zenbait neurri.

Hori horrela, erkidegoek kudeatu ahal izango dituzte konfinamendua arintzeko neurriak. Horren berri eman zuen maiatzaren 31an Pedro Sanchez Espainiako Gobernuko presidenteak erkidegoetako presidenteei.

Joan-etorriei dagokienez, Araba, Bizkaia eta Gipuzkoaren arteko zirkulazioa baimentzeko eskumena izango du Iñigo Urkulluk ekainaren 8tik goiti. Edozein modutan, Hego Euskal Herri osoan zirkulatzeko aukera ere egon liteke. Bestalde, ordutegien mugak kenduko dituzte guztientzat hirugarren fase horretan. Haur eta gazteentzako jarduerak baimenduko dituzte ere hirugarren fasean, bai aire zabalean eta bai leku itxietan, baina egunean hasi eta bukatzen badira. Aldaketak egonen dira tabernen eta jatetxeen edukieran ere: lekuaren erdia bete ahalko da gehienez, eta terrazen %75. Gauez irekitzen diren tabernek eta diskotekek haatik itxita segituko dute. Saltoki guztiek ateak zabaldu ahal izango dituzte, haien tamaina edozein dela ere, baina beti ere edukierari dagokionez muga batzuk errespetatuz.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude