Egiptok Gazarako martxaren aurkako errepresioa gogortu du, ekimena amaitutzat eman badute ere
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman dizkiote eta inork ez du bere berririk.
“Oso kezkatuta gaude gure misio baketsuarekin zerikusia duten pertsonen aurkako legez kanpoko atxiloketak etengabe areagotzen ari direlako. Nahiz eta Egiptoko agintariekin koordinatuta egon eta baimenak dagozkion bideetatik eskatu, tokiko eta eskualdeko legeak errespetatuz, eta Egipton ekintza gehiago ez direla egingo iragarri, agintariek parte-hartzaileen aurkako errepresioa, atxiloketa eta abusua areagotu dituzte”. Horrela dio astearte eguerdian Gazarako Martxa Globalak zabaldu duen urgentziazko oharrak. “Azken egunetan, kalez jantzitako agenteek, identifikatu gabe askotan, hoteleko geletako, kafetegietako, dendetako eta kaleetako parte-hartzaileak indarrez atera dituzte arrazoirik eta azalpenik gabe”, azaldu dute.
Antolakuntzak Egiptoko agintariei eskatu die “ez dezatela egoera larriagotzen jarraitu, atxilotu guztiak aska ditzatela eta martxan parte hartzen duten guztiei etxera onik itzultzen utz diezaietela”. Egipton dauden euskal herritarrek ere ARGIAri baieztatu diote antolakuntzak salatutakoa, eta azaldu dute Polizia Kairo hiriburutik kanpoko hoteletan ere agertu dela martxako partaideak atxilotzeko.
Martxako presidentekide palestinarra, desagertuta
Antolakuntzak kezka berezia agertu du Saif Abukeshek herritar palestinar-espainiarraren egoeragatik. Azaldu dutenez, astelehen goizean atxilotu zuten kaleko poliziek kafetegi batean, beste lau pertsonarekin zegoela, tartean Jonas Selhi eta Huthayfa Abuserriya norvegiarrak. “Hirurak bendatu, eskuburdinak jarri, galdekatu eta bortizki kolpatu zituzten”, salatu du martxak.
Selhiri dei labur bat egiteko aukera eman zion Poliziak, “galdeketa bortitzak” salatu zituen. “Jakinarazi zuen Saifek, jatorri palestinarreko espainiar herritarrak, tratu txar bereziki larriak jasan zituela. Oraindik ez dakigu non dagoen, eta kanpainako talde juridikoa ezin da berarekin harremanetan jarri”. Norvegiako bi herritarrak askatu dituzte jada, baina Abukesheken berririk gabe jarraitzen dute antolakuntzak eta abokatuek.
Gazarako Martxak “mundu guztiko herritarrei” eskatu die beren enbaxadetara deitzeko, atxilotu guztien askatasuna eta bueltatzeko aukera bermatzea eskatzeko.
Rafahko martxa amaituta, “hurrengo urratsak” antolatzen
Ordu gutxi batzuk lehenago, Gazarako Martxa Globalak beste ohar batekin jakinarazi du Rafahko pasabidera heltzeko asmoa zuen martxa amaitutzat eman duela, Egiptoko Gobernuaren jarrera ikusita, ezin duelako “partaideen segurtasuna aurreikusi moduan bermatu”.
Azken egunetan Egiptok martxaren “ehunka” partaide atxilotu edota deportatu dituela salatu du nazioarteko ekimenak, “askotan” abokatuei eta familiei jakinarazi ere egin gabe. “Une honetan, gure ardura da oraindik ere Egipton dauden parte hartzaileen segurtasuna bermatzea”.
Egiptoko ekimena beste bat gehiago zela gogorarazi du martxak. Azken egunetan mundu osoan 50 mobilizazio baino gehiago egin dira martxa babesteko, eta Askatasunaren Ontzidiarekin eta Tunezetik irten zen Sumud karabanarekin koordinatuta egin dute lan.
Egiptoko ekimena amaitutzat eman duela iragartzearekin batera, dagoeneko “hurrengo urratsak aktiboki antolatzen” ari direla jakinarazi du nazioarteko ekimenak. “Palestinako ankerkeriei amaiera emateko eta Palestinako herriaren bizitza, duintasuna eta autodeterminazioa sustatzeko bide guztiak jarraituko ditugu, nekaezin”.
Gaza Humanitarian Foundationen elikagai banaketa erabiltzen ari dira palestinarrak hiltzeko. Oraingoan, ur horniketa suntsitzeaz gain, hamar pertsona, haien artean sei adin txikiko, hil ditu Israelek Nuseirat kanpamentuan, Gaza hegoaldean.
-_-X.png)
Israelek maiatzean Conscience itsasontzia bonbardatu eta ekainean Madleen itsasontzia bahitu ostean, nazioarteko ekimena berriz saiatuko da laguntza humanitarioa Gazara sartzen. "Erronka hau Gazako umeengatik da", adierazi du Askatasunaren Ontzidiak Siziliatik (Italia)... [+]
AEBek Francesca Albanese NBEk Palestinar Lurraldeetan duen errelatore berezia zigortu dute genozidioari buruzko txostena argitaratu eta egun gutxira. Albanesek sare sozialetan azaldu duenez, “boteregabeen alde hitz egiten dutenak boteretsuek zigortzea ez da indar... [+]
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
Ondasunak blokeatu eta trantsakzio ekonomikoak egitea debekatu dio Washingtonek Frances Albanese NBEk Palestinar Lurraldeetan duen errelatore bereziari. Nazioarteko Zigor Auzitegian "Israel eta AEBetako herritarrak ikertzeko ekimenetan zuzenean kolaboratzea" leporatu... [+]
Ikerketaren arabera, gutxienez 75.200 lagun hil zituen Tsahal armada sionistak 2023ko urriaren 7az geroztik eta 2025eko urtarrilaren 5a bitartean: tokiko agintariek epe berean zenbatutako 46.000 hildakoak baino %40 gehiago. Horrez gain, une berean, 8.540 lirateke gosez, hotzez... [+]
Azken 24 orduetan Trumpekin bigarren aldiz bildu da Netanyahu, eta Etxe Zuriko maizterraren bulegoan ordubete inguruko solasaldia izan dute. Ondoren kazetariei eginiko adierazpenetan, Israelgo lehen ministroak adierazi du Gazan duten "kanpaina militarra" ez dela... [+]
Lau astetan 550 hildako eta 4.000 kolpatu egon dira GHF fundazioaren banaketetan. Jakiaz gain, tiroak ere banatzen dabiltzalako sionistak. 170 GKEk dute egitura horren desagerpena galdatzen. Baina Israelek beregain nahi du laguntzaren saila ere –finean, gosetearena... [+]
Israelgo Defentsa ministro Israel Katzek eman du asmoaren berri, eta adierazi du Gaza hegoaldean eraiki nahi duten "eremu humanitario" berri horrek hasiera batean 600.000 palestinar inguru hartuko lituzkeela; kontzentrazio esparru gisa funtzionatuko luke. Gaza... [+]
Hamasek jakinarazi du Palestinako erresistentziako beste taldeekin hitz egin duela AEBek, Egiptok eta Qatarrek proposaturiko meniaz, eta "pozik" hartu dutela. 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar askatzea,... [+]
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]
AEBek eta Israelek kudeaturiko erakundeak ez du Suitzako ordezkaririk ezta helbiderik bertan eta horregatik abiatu du egitura desegiteko bidea Suitzako Zaintza Agintaritza Federalak. Gazarako Israelek kontrolaturiko "laguntza" bideratzen dabil GHF fundazioa, soilik lau... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize, eta horien arduradunak eta goi karguak ikertzeko eskatu du.
AEBetako presidenteak adierazi du orain Hamasen erantzunaren zain daudela: "Ez badute onartzen, egoerak okerrera egingo du". 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar itzultzea, eta beste hamabosten gorpuak ere... [+]