“Echevarriatik Etxeberriara” eta “Ateak zabalduz”, Giza Eskubideen Zinemaldian
Jugoslavia ohiari buruzko Krugovi filmak abiatu zuen apirilaren 4an Giza Eskubideen Zinemaldiaren XII. edizioa. Apirilaren 11ra arte, gizarte eta politika gai konprometituak ukitzen dituzten pelikula ugari eskainiko dituzte Donostian, tartean Euskal Herrian ekoitzitako Echevarriatik Etxeberriara, Ateak zabalduz, Jambo amani? eta Minerita.
Ander Iriartek zuzenduriko Echeverriatik Etxeberriara dokumentalean (2014), Oiartzun herrira mugaturik "indarkeriak Ezker Abertzalearen ingurumenean eduki duen garrantzia" aztertu nahi izan dute, "indarkeria, noski, bere izaera eta izate guztietan (ETArena, poliziarena, politikoa, herriarena, Estatuarena, psikologikoa eta abar)". Asteartean proiektatuko dute eta ondoren, zuzendariaz gain, solasaldia izango da lanean parte hartu duen Lide Martiarenarekin eta Lokarriko koordinatzaile Paul Riosekin.
Ateak zabalduz (2014) ere dokumentala da, okupazio mugimendua ardatz. Aurreiritzietatik urrundu eta "errealitate konplexu bezain aberatsa" islatzen duen bizimoldeez mintzo da Juanmi Gutiérrez zuzendaria. Ostegunean emango dute eta ondorengo solasaldian, zuzendariarekin batera izango dira filman parte hartu duen Iñaki Garmendia eta Markel Ormazabal soziologia ikaslea.
Jambo amani? eta Minerita berriz, 2013an ekoitziriko bi film labur dira: lehenengoan Kongoko miliziano talde baten birgizarteratzea kontatu du Unai Aranzadi zuzendariak; bigarrenean, Boliviako meatzarien lan baldintza gogorrak filmatu ditu Raúl de la Fuentek.
Horiez gain, ugaria da nazioartetik datorkigun eskaintza: hala nola, Gabrielle, Miele, Pussy Riot: a punk prayer, El Bumbún, The unknown known, Princesas rojas, Not anymore: a story of revolution, Web junkie, Jerusalén ID. Semáforo racista eta The selfish giant.
Zaintz, bizi-organoen merkatu beltza, duintasunez hiltzeko eskubidea, iraultza sandinista, Irakeko gerraren kontraesanak, Palestinako lurralde okupatuak, patente farmazeutikoak, patriarkatua eta genero rolak, sexu-abusuak eta transgenikoak bezalako gaiak jorratu dituzte zinemaldian ikusgai dauden filmek.
Joan den ostiralean, Robert Guédiguian zinegile frantziarrak jaso zuen aurtengo saria, "zinema egiten duen militantea" izaki. Pobreziaz, immigrazioaz, drogez edo xenofobiaz filmatu duen zuzendaria batik bat Les neiges du Kilimandjaro lanagatik da ezagun.
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Ikasleek pantailekin duten harremana aztertu eta "Heziketa digitala LH eta DBH" izeneko txostenean jaso dituzte ondorioak Macsonrisas-eko kideek.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Donostiako epaitegi batek aurretik emandako epaia berretsi du EAEko Justizia Auzitegi Nagusiak. ELAk eta LABek mobilizazioa antolatu dute ostiralerako, eta Euskalgintzaren Kontseiluak bat egin du.
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
Guatemala da. baina izan zitekeen El Salvador edo Honduras. Erdialdeko Amerikako kaleak husten ari dira, segurtasunaren eta herrialdearen garapenaren izenean, eta kartzelak bete. Munduan, proportzioan, preso gehien dituzten herrialdeen artean daude. Baina ziegetan ez daude... [+]
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Trumpek asteartean baieztatu du Venezuelako ontzi bati eraso egin eta bertan zeuden 11 lagunak hil dituela. Hildakoak Tren de Aragua "talde terroristako" kideak zirela eta droga trafikoan ari zirela adierazi du Donald Trumpek. Venezuelak dio bideoa Adimen Artifizialez... [+]
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]