EBn Pioneer-en arto transgenikoa landatzeko bidea zabaldu da
Europako Batzordea prest dago arto transgenikoa Europako lurretan landatzea baimentzeko, hemeretzi estatu kidek erabaki horren aurka bozkatu badute ere.
Asteartean egin zen eztabaidan hemeretzi estatuk argi utzi zuten genetikoki aldatutako artoa europar sailetan landatzeari uko egingo ziotela, osasun eta ingurumen arrazoiengatik.
EBko boto legeek, ordea, aurkakotasun hori nahikoa ez izatea dakarte. Erabakia estatu handienen eskuetan gelditu da, eta hauek Pioneer 1507 intsektuekiko erresistentea omen den transgenikoaren aldeko hautua egin dute. Erabaki horren aurrean, transgenikoaren aurka bozkatu duten hemeretzi estatu kideek EBko boto ponderatuen legea “absurdutzat” jo dute.
Espainia transgenikoen alde, Frantzia kontra
Erresuma Batua, Espainia, Suedia, Finlandia eta Estonia izan dira genetikoki aldatutako laborearen alde agertu diren herrialdeak. Besteak beste Alemania abstenitu egin da eta Frantziak guztiz kontrako jarrera azaldu du.
Tonio Borg, Europako Osasun komisarioak asteartean adierazi zuen batzordea lotuta dagoela orain eta legez “laborantzaren erabilera onartzera behartuta” dagoela. Borgek azpimarratu du 2001. urtean abiatutako ikerketa zabalak “laborantza segurua dela” erakutsi duela.
Erresuma Batuko bozeramailearen esanetan, genetikoki aldatutako laborerik gabe Europa “munduko nekazaritza museo” bihurtzeko arriskuan egongo da.
Espainiak bestalde, bertako nekazariek Europar Batasunetik kanpo dauden eta ekoizpen transgenikoak dituzten herrialdeekin lehiatzeko gai izan behar dutela nabarmendu du.
Transgenikoen korporazioak pozik
DuPont-ek, Dow Chemicalekin batera Pioneer 1507-a garatu duen korporazio estatubatuarrak, adierazi du EBk “bere buruarekiko, bertako nekazariekiko, zientzialariekiko eta merkataritza kideekiko betebehar legala” duela. Europar Batasunak “nekazaritzako aurrerapen berriekin bat egin” behar duela gaineratu du DuPontek.
Frantziak aurre egin die deklarazio horiei eta ohartarazi du Europar Batzordeak arto transgenikoaren erabilera planarekin aurrera eginez gero “Europarekiko eszeptizismoa areagotzeko arriskua” egongo dela, erabakiak aurka agertu den oposizio zabalari muzin egingo dio-eta.
“Aurkako gehiengo kuantitatibo nabarmena dugu, beraz, ez dut ulertzen nola onartu dezakegun halakorik. Are gehiago EBko hauteskundeen aurretik. EBko instituzioekiko irudi arriskutsua ematen ari gara, Europak ez duela funtzionatzen edo gaizki funtzionatzen duela pentsa dezaketenentzako erregaia izango da” azaldu du Thierry Repentin, Frantziako EBko Gaietako sailburuak, Russia Todayk jasotako adierazpenetan.
Informazio gehiago:
Transgenikoei buruzko albiste, erreportaje eta bideoak ARGIAren Transgenikoak kanalean.
Agroindustriaren alde doan erabaki garrantzitsua hartu zuen Europako Batzordeak otsailaren 7an: NBT New Breeding Techniques teknikaren bidez genetika moldaturik duten haziak ez ditu transgeniko gisa sailkatuko. Hori horrela, transgenikoei orain arte egindako kontrol, segipen eta... [+]
Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]
Mundua astindu duen SARS-CoV-2 saguzarren birus baten mutazio natural bat ote da –gizakiak azken hamarkadetan munduko leku askotan ingurumenean eragindako transformazio larriei lotua ziurrenik, alde horretatik ere gizakiak probokatua– ala tartean zientzialariek... [+]
Hazi hauek saltzeko zorroetan eta katalogoetan esaldi hau adierazi beharko dute: "Genetikoki eraldatutako barietatea". Apirilaren 9tik dute hauek saltzeko baimena. 2019an arto transgenikoz 8.000 hektarea erein ziren Nafarroan.
Ingeniaritza agronomoan doktoratua eta Lleidako Unibertsitateko irakaslea da Jose Ramon Olarieta Alberdi, baita Som lo que Sembrem elkarte katalaneko kide ere. Transgenikoen inguruan liburua argitaratu zuen iaz: Transgenikoak, benetan dira seguruak eta beharrezkoak?... [+]
Soja laborantzara bideratutako nekazaritza estentsibo landa batean egin zuen lan Tomasik. Landa gunea fumigatzeko erabiltzen ziren agrotoxikoek eragindako gaixotasunaren ondorioz hil da.
Sinadura bilketari eta herritarren protestei entzungor eginez, Europar Batasunak baimena eman dio Bayerri Monsanto erosteko. Horrela, hazi eta ongarri kimikoen munduko enpresa handiena bilakatuko da.
Laborantza-industrian egin den inoizko akordiorik handiena gelditzeko eskatu diote milioi bat lagunek Europari: Monsanto eta Bayer enpresek indarrak batuko dituzte galarazi ezean. Hazi transgenikoen eta industria farmazeutikoaren arteko lotura 2016tik datorren arren, azken... [+]
Europako Batzordeak iragarri du sakon aztertu nahi duela Bayer konpainiak Monsanto erosteak kalterik egingo ote dion pestiziden eta hazien merkatuari. Bruselak adierazi du fusio-operazioa burutzeak bi arlo horietako munduko enpresarik handiena sortuko lukeela, eta horrek... [+]
Sastraka inbaditzaile bat agertu da Nafarroa, Aragoi eta Kataluniako artasoroetan. Teosintea, teosintle nahuatl hizkuntzan, Zea familiako landarea da, artoaren senidea beraz. Rosa Binimelis (Castelló, 1979) ingurumen zientzietan doktorea da, eta azken urteotan teosinteaz... [+]
2016ko irailean, batez ere aspirinengatik ezagun den Bayer alemaniarrak beste gauza askorengatik ezaguna den Monsanto estatubatuarra erosi zuen, 66.000 milioi dolarren truke. Azken hiru urteetan ematen ari diren hazi industrialen eta nekazaritzako produktu kimikoen alorreko... [+]
Egun erabiltzen diren hazi hibridoak multinazional espezializatuek soilik egin ditzakete, eta horien liderra Monsanto da. Merkatura zabaltzen dituena, berriz, Heinz multinazional boteretsua da. Bide beretik jarraituz gero, elikadura merkatu pribatuen eskuetan bukatuko duela... [+]