Fabian Tomasi hil da, agrotoxikoen eta transgenikoen kontrako borrokan erreferentea

  • Soja laborantzara bideratutako nekazaritza estentsibo landa batean egin zuen lan Tomasik. Landa gunea fumigatzeko erabiltzen ziren agrotoxikoek eragindako gaixotasunaren ondorioz hil da.


2018ko irailaren 12an - 10:58
Fabian Tomasi 'The Human Cost' fotoerreportaiko argazki batean (Argazkia: Pablo Piovano)

Ostiralean hil zen Fabian Tomasi Basavilbason (Argentina), 52 urte zituela. Urteetan agrokimikoen arriskupean lanean jardutearen ondorioz, polineuropatia garatu zuen, giharrak eta gorputzaren forma aldatu zizkion gaixotasuna. 2012an diagnostikatu zioten gaitza, bizi itxaropen laburra iragarriz. Ordutik, agrokimikoen kontrako borrokan jardun du Tomasik. Pablo Piovano argazkilariak 2014an Argentinako agrotoxikoen negozioaren alde iluna erakusteko xedez egindako The Human Cost fotoerreportaian agertzeak mundu osoan egin zuen ezagun Tomasi.

Molina Y Compañia, S.L.R. enpresan lortu zuen lana Tomasik, eta urtetan jardun zuen hegazkinek fumigatzen zituzten karga kimikoak manipulatzen. Glifosatoa, tordona, propanila, endosulfana, cipermetrina, fungizidak eta beste hainbat gai kimikorekin kontaktuan egon zen. Daukaten toxikotasun altua medio, gehiengoak debekatuta daude munduko hainbat herrialdetan, baina Argentinan egoera bestelakoa da. Batik bat soja transgenikoaren laborantzak izan duen hedapena tarteko, agrotoxikoak eta hazi transgenikoak erabiltzen dituzten multinazional asko baitago Argentinan. Soja transgenikoaren kimuek fumigazioak jasateko gaitasuna daukatenez gero, soja laborantzara bideratutako zelaiak izurriteak uxatzen dituzten agrotoxikoz zipriztintzen dituzte.

“Sojaren arrakastaren itzala naiz”, zioen Tomasik eskainitako elkarrizketa batean. Monsanto bakarrik ez, agrotoxikoekin dirua irabazten duten beste hainbat enpresa handi ere izan ditu jo puntuan Tomasik. Martxoan La Poderosari idatzitako gutunean argi mintzatu zen: “Ez dago gaixotasunik pozoirik gabe, eta ez dago pozoirik enpresa multinazionalen, osasunaren industriaren, gobernuen eta justiziaren arteko bizikidetza kriminala gabe”. Salatzen zuenez, mehatxu asko jasotzen zituen “egunero jan, arnastu eta edanarazten digutena ikusarazteagatik”.


Kanal honetatik interesatuko zaizu: Kutsadura kimikoa
Lobbygintza toxiko bat dago glifosatoa baimentzeko Europaren erabakiaren gibelean

Glifosato herbizida erabiltzeko baimena beste hamar urterentzat luzatu zuen azaroaren 16an Europako Batzordeak. Erabaki inkoherentea, ikusirik produktuaren toxikotasuna frogatzen duten ehunka ikerketa zientifiko daudela publikaturik. Inkoherentea ere, jakinik AEBetako 113.000... [+]


Intsektiziden eraginpean dauden gizonek espermatozoide gutxiago dituzte

Zenbat eta gehiago egon intsektiziden eraginpean, orduan eta txikiagoa da espermatozoideen kontzentrazioa. Ondorio hori atera dute azken 50 urteetan mundu osoan egindako 25 ikerketa berrikusita. Environmental Health Perspectives aldizkarian argitaratu dute azterketa.


Glifosatoa beste hamar urtetarako baimendu dute: "Osasun publikoa eta biodibertsitatea arrisku handian daude"

Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]


2023-10-04 | Euskal Irratiak
Glifosatoaren baimentzea
"Laborariengan minbizi gehiago atzematen ohi dira, produktu kimikoen erabileraren ondorioz"

Glifosatoa baliatzeko hamar urteko luzapena babestu du Europako Batzordeak. Herbizida gisa munduan gehien erabiltzen den produktu kimikoa da, eta potentzialki minbizi sortzaile izateagatik ezaguna da.


Kutsatzaile eternoen tranpa: lehen zena miragarri, orain da hilgarri

Eternoak deitzen diete, betierekoak. Ez dute su hartzen, ez dira hausten eta betirako irauten dute. PFAS izeneko konposatuak duela ia mende bat sintetizatzen hasi zirenetik, gauza askotarako erabili izan dira, berdin zartaginean arrautza ez itsasteko nola mendiko txamarraren... [+]


Eguneraketa berriak daude