EAJri PSEren aukera bakarrik geratzen zaio, EH Bildurekin akordiorik lortzea baztertuta
EAJk ezinezkotzat jo du EH Bildurekin “gobernagarritasuna ekar lezakeen akordio bat gauzatzea”. Azaroaren 14an, bi alderdiek Sabin Etxean eginiko bileraren ondoren eman dute jeltzaleek erabakiaren berri, prentsa ohar bidez.
Akordio posible baterako aukerak bilatzeko egin zuten bilera. EAJko ordezkariak Josu Erkoreka, Joseba Egibar, Txus Peña eta Koldo Mediavilla izan ziren batzargelan. EH Bilduren izenean, berriz, Arnaldo Otegi, Maddalen Iriarte, Unai Urruzuno eta Garikoitz Mujika egon ziren.
EH Bilduk gastu eta sarrera publikoei eragiten dieten gaietan proposamenak egin dituela azaldu dute, baina EAJk “irizpide errealistei” men egiten ez diela adierazi du. Halere, bi indarrek akordio sektorialei eta aurrekontuei begira neurri zehatzak identifikatzeko lanak egingo dituzte, besteak beste, enplegu, fiskalitate, garapen industrial edo pentsioen alorretan.
Bi alderdiek “elkarren arteko komunikazio bideak zabalik” mantentzea adostu dutela azaldu du alderdi jeltzaleak oharrean. Herri politikako alor garrantzitsuenetan, “Bake eta Bizikidetza eta Autogobernuan”, Legebiltzarrean babes zabala beharko duten akordioetan aurrera egiteko borondatea erakutsi nahi izan dute.
EAJri PSEren babesa lortzea besterik ez zaio geratzen Iñigo Urkullu bigarrenez azaroaren 23an lehendakari izendatu eta gobernatzeko gutxiengo egonkortasuna lortzeko. Aste honetan bertan iritsi beharko litzateke akordioa. Ondoren, bi alderdietako zuzendaritzen eskuetan egongo litzateke hura berrestea. EAJren kasuan astelehenean izango da EBBren biltzarra eta PSEk ere Batzar Nazionalerako deia egingo du orduan.
EH Bilduk borondate falta ikusi du
Jeltzaleen oharra kaleratu baino lehen, Arnaldo Otegik EAJren aldetik “borondate gutxi” nabaritu duela azaldu du. EH Bilduk akordio zabalak lantzen jarraitzeko asmoa duela dio, baina jeltzaleek sozialistekin hitz egitea nahiago dutela uste du.
EH Bilduren “kezka”, EAJk eta PSEk gobernagarritasunerako akordioa sinatuz gero, jeltzaleen mugimendu aukerak murrizteko arriskua da: “Ez dakigu zer-nolako jokatzeko tartea utziko dion EAJri beste alor batzuetan akordioak egiteko”.
Jon Gurutz Gomez Goikoleak Juan Mari Atutxaren ondoan egin zuen lan Jaurlaritzaren Segurtasun Sailean 1992 eta 1998 artean, lehenik prentsa aholkulari gisa eta 1994tik kabinete buru. Izendapena Miren Dobaran Arkautiko aurreko zuzendariak dimisioa eman eta ia bi hilabetera... [+]
Aldundiak aurtengo Gipuzkoako Urrezko Domina emango dio abenduan Lourdes Iriondo Mujikari (Donostia, 1937-Urnieta, 2005) bere heriotzaren 20. urteurrenean. Aintzatespen horrekin, euskaren biziberritzean eta euskal kulturaren suspertzean Iriondok egindako “lan mamitsu eta... [+]
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Donostiako epaitegi batek aurretik emandako epaia berretsi du EAEko Justizia Auzitegi Nagusiak. ELAk eta LABek mobilizazioa antolatu dute ostiralerako, eta Euskalgintzaren Kontseiluak bat egin du.
Kontratua segi ala eten, enpresaren erabakia "errespetatuko" lukeela argi utzi nahi izan du Imanol Pradales lehendakariak, Euskadi Irratiari egindako elkarrizketan. Beasaingo enpresaren akzioen %3ren jabe da Eusko Jaurlaritza.
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.