ARGIA.eus

2020ko apirilaren 08a

EAJk 3,1 milioi euro utzi zituen deklaratzeke 2012an, Kontu Auzitegiko Fiskaltzaren arabera

  • Espainiako Kontu Auzitegiko Fiskaltzak delitu zantzuak aurkitu ditu EAJren 2012ko kontuetan. “Trukatze arraroak”, “legez kanpoko finantzaketa” eta “balantze ofizialetan informazioa ezkutatzea” egotzi dizkio Fiskaltzaren txostenak alderdi jeltzaleari, besteak beste.

Nerea Ibarzabal Salegi @ibarnere
2015eko urtarrilaren 07a
EAJk 2012an 357 kontu korronte eta inbertsio funts zituela dio Fiskaltzak, 3,1 milioi eurorekin. (Arg: EFE)

Euskal Herriko, Kataluniako eta Espainiako beste alderdi batzuen ustezko iruzurrak ere salatu dituzte. Horien artean daude EA, PP, PSOE, CDC eta UDC.

El País egunkariak argitaratu duenez, EAJk 4,9 milioi euroko irabaziak lortu zituen landa jabego baten trukearen bitartez, eta ez zuen kontuetan horren berri eman. Alderdiak hori ukatu du astelehenean plazaratutako ohar batean.

Horrez gain, EAJk 2012an 357 kontu korronte eta inbertsio funts zituela dio Fiskaltzak, 3,1 milioi eurorekin, eta horiek ere ez zirela balantzeetan ageri.

EAri dagokionean, alderdiak ez zituen 2012ko “gastu eta diru sarrera guztiak” deklaratu, Fiskaltzaren ustetan.

Informazioa plazaratu ostean alderdiek izandako erreakzioak direla eta, Kontu Auzitegiak txosten hori “behin-behinekoa” dela jakinarazi du ohar baten bitartez.

El Paísen arabera, Espainiako Kontu Auzitegiko Fiskaltzak inoiz argitaratutako txostenik irmoena da oraingoa. 2012ko kontuak aztertzen ditu bakarrik, halere; 2013 eta 2014koak aztertzeke daude.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Alderdi politikoak  |  EAJ  |  Ustelkeria  |  PP  |  EA  |  PSOE

Alderdi politikoak kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Eguneraketa berriak daude