EAJk alarma egoera maiatzaren 23ra arte luzatzearen alde bozkatuko du, uztailean EAEn hauteskundeak egitearen truke
Asteazken honetan Espainiako Estatuko alarma egoeraren laugarren luzapena bozkatuko da Diputatuen Kongresuan. Pedro Sanchez Espainiako presidenteak zenbait babes galdu ditu, eta EAJ eta Ciudadanos alderdiekin tratuak egin behar izan ditu luzapena aurrera ateratzeko.
Kongresuko ordezkari politikoek botoa emateko ordu gutxi falta direnean, litekeena da Pedro Sanchezen eskaerak baiezkoa lortzea. Horretarako zenbait kontzesio eskaini dizkie EAJ zein Ciudadanosi. Jeltzaleei hitz eman die deseskalamenduko erabakiak bi gobernuen artean hartuko direla eta EAEn uztail honetan hauteskundeak egin ahal izango direla, Iñigo Urkulluren asmoak betez.
Ciudadanosi, bere aldetik, deseskalamenduko asteroko lankidetza eta ERTEak eta autonomoei diru-laguntzak onartu dizkio.
Espainiako Estatuko parlamentuan dauden 350 eserlekuetatik gehiengo sinplea behar du proposamenak aurrera ateratzeko. Alderdi asko dago baiezkoaren eta ezezkoaren arteko kolokan, ordea; eta PPk ere ezezkoa ematen badio, 164 eserleku izango ditu aurka. Hori horrela, eta ERCren babesa jada galduta, Ciudadanos eta EAJrekin tratuak egin behar izan ditu, bien baiezkoarekin 176 aldeko boto lortuko baititu.
Astearte gauera arte aritu da hizketan Espainiako Gobernuko presidenteorde Carmen Calvo eta EAJko EBB Andoni Ortuzar. EAEko Gobernuan dagoen alderdia konfinamendua lurraldeka arintzearen aldekoa izan da hasieratik bertatik. Hori horrela, alarma egoera maiatzaren 26ra arte luzatzeari baietz esan diezaioke, betiere Eusko Legebiltzarrerako hauteskundeak egiteko baimenaren truke, baita EAEko Gobernuak krisi honen kudeaketan protagonismoa berreskuratzearen truke ere.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.