EAEko Ahal Duguk bere kargudunek eta langileek euskaraz jakitea jaso du lehenengo euskara planean

  • Lehenengo euskara plana prestatu du Ahal Dugu alderdi politikoak. 2019tik 2021era iraungo du. Alderdi barruko zirkuluak eta kargu politikoen jarduna aztertu dute. Euskararen erabilera oso murritza da alderdian eta kanpora begira.


2019ko urriaren 21an - 11:03

Alderdi barruko 35 zirkulu aztertu dituzte eta erabilera emaitzak oso xumeak dira. Erabilera datu onena kanpora begira landutako idatzizko komunikazioetan lortu dute: %34. Hurrengo, barnera begirako idatzizko komunikazioa dator (%23). Ahozko kanpo komunikazioan %19an daude. Ahozko barne komunikazioan ehunekoa are gehiago jaisten da: %3. Etxe barruan galdetu dute zergatik halako erabilera apala. Batetik, alderdikide dezentek ez daki euskaraz, eta bestetik, dakitenek euskara erabiltzeko ohitura gutxi dute.

Ondoko helburuak lortu nahiko lituzkete 2021erako: barne komunikazioan, ahoz, erabilera %20ra igotzea; kanpo komunikazioan ahoz %30era igotzea; eta idatziz %50era. Zirkulu bakoitzean euskara arduradun bat jarriko lukete dinamizazio lanetarako.

Etxeko barruko zirkuluez gain, erakunde publikoetan egoera ere aztertu dute eta hizkuntza irizpide batzuk ezarri dituzte. Erakundeetan karguak dituztenek B2 maila (EGA baino maila bat beherago) izan beharko dute eta horretarako euskaltegira joan edo lantokian eskolak hartu beharko dituzte. Langileek ere B2 maila izan beharko dute eta kontratatzerakoan kontuan hartuko dute euskara maila.


Kanal honetatik interesatuko zaizu: Euskara
Ez da zapalkuntza? Orduan, asimilazioa

Hezkidetzarekin lotutako proiektuak koordinatzeko lankideekiko bilera batean, mutiko batek ikaskide neska bati irain matxista bota diolako gertakaria kontatu zuen irakasle batek, zalantza sortu zitzaiolako egoki jokatu ote zuen, eta gure artean hausnarketa interesgarria sortu... [+]


2024-04-18 | Euskal Irratiak
Tulalaika besta, Xiberoako ikastolei bultzada emateko

Hirugarren urtez Xiberoako ikastolei bultzada emanen die Tulalaika bestak.


2024-04-17 | Garabide
Manuel Lekuona saria jaso du Iñaki Martinez de Lunak

Euskal komunitateari egindako ekarpena aitortzen dion saria jaso du Garabideren lehendakari den soziolinguista arabarrak.


2024-04-16 | ARGIA
Ia 15.000 erabiltzaile ditu Puntueus domeinuak, sortu zenetik hamar urtera

Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.


Sugoi Etxarri Zabaleta, EHE-ko kidea
“Euskararen borroka gaztetzen ari da, oso azkar”

Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]


Eguneraketa berriak daude