Donostian bere ilobari sexu-erasoak egitea egotzita, bi urte eta bederatzi hilabeteko kartzela-zigorra ezarri diote gizon bati
Erasotzaileak onartu egin ditu gertakariak, eta Fiskaltzak eta akusazio partikularrak hasieran egindako 13 urteko kartzela-zigor eskaera murriztea onartu dute. Donostian bizi ziren erasotzailea eta biktima, beste hainbat heldurekin batera.
Gizon bati bi urte eta bederatzi hilabeteko kartzela-zigorra ezarri diote, Donostian 13 urteko ilobari hiru sexu-eraso egitea leporatuta. EITBk jaso duenez, Gizonak aitortu egin du gertatutakoa Gipuzkoako Auzitegiko Lehen Sekzioko epaiketan, eta, horregatik, Fiskaltzak eta akusazio partikularrak hasierako zigor eskaerak murriztea onartu dute. Hamahiru urteko kartzela-zigorra eskatu zuten hasieran.
Erasoak 2020ko ekaina eta iraila bitartean egin zituen Donostiako etxebizitza batean, fiskalaren akusazio-idazkiaren arabera. Han bizi ziren erasotzailea eta biktima, beste hainbat heldurekin batera.
Espetxe-zigorraz gain, gizonak ezin izango du ilobarengana hurbildu edo harekin komunikatu zazpi urtez, eta 6.000 euroko kalte-ordaina eman beharko dio. Horrez gain, espetxetik atera ondoren zazpi urte eta bederatzi hilabetez zaintzapeko askatasun-egoeran egon beharko du.
Jazarpena lanean ari zela hasi zen, eta handik kanpo jarraitu zuen. Avanza Durangaldeko langile batzordeak salatu du gidariak bakarrik eta babesgabe egon ohi direla lanorduetan.
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
Frantziako estatuan 600 kirolarik salatu dituzte sexu erasoak: tenislariak, patinatzaileak, judolariak, atletak... Duela 20 urtekoak dira lehen salaketak, baina asko egungoak dira, hain zuzen 107 salaketa dira 2020-2021 denboraldikoak. Horietatik %70 emakumezkoek jasan zituzten... [+]
Espainiako Estatuan momentu honetan 147 ikerketa daude auzitegietan, Eliza barruan izandako sexu abusuengatik, horietatik %67 2000. urtea baino geroago gertaturiko kasuak dira. Fiskaltzak bere urteko txostenean azaldu duenez, eliz erakundeen "erantzukizun zibil... [+]
Pedro Ayuso Donostiako gotzainak Juan Kruz Mendizabal Beasaingo elizako apaiz laguntzaile izendatu du. Mendizabal ezaguna da adin txikikoei sexu gehiegikeriak egiteagatik. Goierriko Itaiak izendapenaren eta “elizaren inpunitatearen” aurka elkarretaratzea deitu du.