Donostiako Metroa geratzeko eskatu dute beste behin Donostian

  • Gipuzkoa Plazatik abiatuta Donostiako udaletxera egin duten protestan berrehun lagun inguruk metro pasantearen lanak geratzeko eskatu dute. Parte-hartze prozesu bat irekitzeko eskatuz 9.000 sinadura aurkeztu zituztela gogoratu eta proiektua inposizio gisa ikusten dutela azaldu dute. Eusko Jaurlaritza eta Donostiako Udala jo dituzte errudun.

Manifestariak udaletxearen ateetan lurrean eseri dira, protesta gisa. (Lander Arbelaitz)

2017ko abenduaren 20an - 19:47

Gipuzkoa Plazatik atera den martxa, Donostiako udaletxearen aurrera heltzean giza kate forma hartu du. Udaletxearen atarian mugimenduaren sinbolo bihurtzen ari den kolore horizko hainbat ke poto ireki dituzte. Ondoren, giza-kate forman eraikinaren atzeko aldera joan ostean, atarian eserita amaitu dute. Besteren artean proiekturako bideratu nahi duten dirua eskubide sozialak bermatzeko bidera dadila eskatu dute.

Jarraian hainbat argazki.

 


Kanal honetatik interesatuko zaizu: Donostiako metroa?
Metroaren lanen ondorioz, atzo Donostiako eraikin batetik erlaitz eta balkoi zatiak erori zirela salatu dute

Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.


Donostiako metroaren lanek eraikin batean eragindako pitzadura salatu du Satorralaiak

Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]


Metroaren lanek beste pitzadura bat eragin dutela salatu du Satorralaiak

Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.


2021-09-15 | ARGIA
Eusko Jaurlaritza Donostiako metroaren pasantearen lanek kaltetutako bizilagunak "isilarazten" ahalegintzen ari dela salatu du EH Bilduk

Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.


2021-09-02 | ARGIA
Xabier Albistur, Donostiako alkate-ohia: “Metroa alferrikako obra da”

Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.


Eguneraketa berriak daude