Donostiako La Perlak dio webgunea ez daukala euskaraz “pandemiagatik”
La Perlaren webgunea gazteleraz, ingelesez eta frantsesez dago, euskaraz ez. Herritar batek kexa jarri du Jaurlaritzako Elebide Hizkuntza Eskubideak Bermatzeko Zerbitzuan, eta La Perlak eman duen arrazoia bidali diote: “Pandemiaren ondorio ekonomikoak” dira La Perlak “itzulpenak nahi baino mantsoago” egitearen arrazoia.
aurre egingo dieten hedabide independenteak
“Euskararen erabileraren inguruko beste urraketa bat”, adierazi dio ARGIAri Donostiako La Perla talasoterapiari kexa jarri dion herritarrak. Urraketaz gain, horren aurrean Eusko Jaurlaritzako Elebide Hizkuntza Eskubideak Bermatzeko Zerbitzuak izan duen jarrera salatu du. “Elebidetik aitzakia lotsagarri hori onartu ez ezik, ez dute arazoaren konponbiderik eskatzen edo ematen. Ez dute inongo neurririk hartzen”.
Herritarrak urtarrilean kexa jarri zuen La Perlan, eta Elebideri ere ohartarazi zion hizkuntza eskubideen urraketaz; alegia, La Perlako webguneak ez duela bermatzen informazioa euskaraz jasotzeko eskubidea. La Perlatik argudiatu dute pandemia hasi zenean webgunea berritzen ari zirela, gaztelerazko bertsioan, eta “pandemiaren ondorio ekonomikoek, erakundeari zuzenean eragiten diotenek, eragina dute itzulpenak nahi baino mantsoago izatean”. Euskarazko bertsioa “laster” argitaratzeko lanetan ari direla diote. Egun, gazteleraz, ingelesez eta frantsesez eskaintzen dute informazioa.
Gutun horretan baieztatzen dute erakundearen komunikaziorako hizkuntza ofizialak euskara eta gaztelera direla; “Lan egiten dugun euskarri guztietan aplikatzen dugu hau”. Egun horrela ez izatearen arrazoia “ohiz kanpoko gertaera puntualak” direla diote: “pandemia eta horren ondorioak”.
Elebidek intzidentzia itxiko du
Herri Administrazioetan Hizkuntza Normalizatzeko zuzendari Joseba Lozano Santosek erantzun dio kexari, baina ez dio aparteko erantzunik eman; soilik La Perlak igorritako gutuna bidali dio, eta herritarrari jakinarazi diote gehiagorik esan ezean ulertuko dutela erantzuna “onartu” duela eta, beraz, intzidentzia itxiko dutela.
Elebidek hizkuntza eskubideei buruzko kexak eta kontsultak kudeatzen ditu, eta herritar orok baliatu dezake zerbitzua. Azken urteetan gora egin du intzidentzien kopuruak, 2021eko txostenean zehazten dutenez. 2021ean 277 intzidentzia erregistratu zituzten, urraketa hauei buruzkoak: administrazioarekin, ahoz zein idatziz, euskaraz harremanak gauzatu ezin izana; errotulazioan, seinaleetan eta oharretan antzemandako hutsuneak; eta, azkenik, webguneetako eduki batzuetan euskararen presentzia bermatu ez izana. Kexen %84 esparru publikoan egindako eskubide urraketak izan ziren, eta gainerako %16a, pribatuan.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]