2021eko irailaren 25a
"Patriarkatuak erasotzen gaituelako, neska* ikasleok autodefentsa feminista" lemapean, Donibane Garaziko Navarre lizeoan izandako bortxaketak salatzeko unea izanen da otsailaren 7a. Bi emakumek dute salaketa jarrita beste gizonezko ikasle batzuk egindako talde bortxaketaren harira.
Ostiral honetan elkartuko dira Euskal Herriko hainbat ikastetxetan, Donibane Garaziko Navarre lizeoan izandako talde bortxaketak salatzeko. Gora Ikasleon Borroka dinamikak deiturik dira mobilizazioak finkaturik.
Besteak beste, Baionako Etxepare lizeoan eginen dute elkarretaratzea ostiraleko 13:15etan, "patriarkatuak erasotzen gaituelako, neska* ikasleok autodefentsa feminista". Oraingoz ez da hitzordurik finkaturik Donibane Garaziko lizeoan.
Lizeoan dauden adin ttikiko bi emakume taldean bortxatu dituzte beste gizonezko ikasle batzuk. Komunikabideen arabera, bi dira bortxatzaileak, bata 17 urtekoa eta bestea 18 urtekoa. Inkesta abiatu du Donibane Garaziko jendarmeriak. Navarre lizeoak behin-behinean kanporatzea erabaki du, hamar eguneko epean diziplina batzordearen aurretik pasa arte.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
