Fiskaltzak delitu zantzuak aurkitu ditu iazko Osakidetzako oposizioetan

  • Hamaika kategoriatan filtrazioak egon direla, eta azterketak prestatzeko zein epaimahaia osatzeko jendea irizpide objektiboen bidez aukeratu ez dela jakinarazi dute.

ARGIA @argia
2019ko otsailaren 19a

Osakidetzako iazko lan eskaintza publikoaren gaineko ikerketa bukatuta, delitu zantzuak aurkitu direla jakinarazi du EAEko fiskalburu Carmen Adanen sinadurta daraman txostenak. Bertan adierazten denez, zenbait pertsonari azterketak filtratu zitzaizkien, eta azterketak prestatu eta epaimahaikide izateko pertsonak ez ziren irizpide objektiboen bidez aukeratu. Txostena epaitegi batera bideratuko da, instrukzio epaile batek iker dezan eta, behar izatera, erantzukizun penalak nori leporatu erabaki dezan.

Hemeretzi ziren, sindikatuen arabera, irregulartasunak zituzten kategoriak. Osakidetzaren barne ikerketak, berriz, zortzi diziplina baino ez zituen aztertu. Fiskaltzak honako hamaika kategorietan erreparatu ditu irregulartasunak: Kirurgia Plastikoan, Anestesiologian, Kardiologian, Digestio Aparatukoan, Angiologian, Traumatologian, Urologian, Zaintza Intentsiboetan, Larrialdietan, Mikrobiologian eta Kirurgia Baskularrekoan.

Osakidetzako zuzendaritzako hiru kargu begiz jo ditu fiskaltzak: Xabier Balerdi zuzendariordea, Juan Carlos Soto Giza Baliabideetako zuzendari ohia eta Andoni Arzelai Osasun Arretako zuzendaria. Epailearen esku utzi du hauek dagozkien erantzukizunak zehaztea, eta eskatu dio hiru epaimahaibururi inputatu bezala deklaratzera deitzeko. Eusko Jaurlaritzako Osasun Sailak ez du adierazpenik egin momentuz, jakinarazpen ofiziala jaso ez duela argudiatuta.

Iazko oposizioetan sortutako polemikak eman zion bide ikerketari. Anestesia espezialitateko azterketa egunaren bezperan hautagai batzuk notarioarengana jo zuten, azterketa gaindituko zutenen izenekin. Azterketen ostean, gainditutako pertsonak notarioarekin izandako hautagaiek izendatutakoak zirela ziurtatu ahal izan zen. Osakidetzako hainbat langilek filtrazioak ohikoak direla baieztatu zuten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Iruzurra Osakidetzan

Iruzurra Osakidetzan kanaletik interesatuko zaizu...
2019-03-14 | ARGIA
Darponek dimisioa eman du, Osakidetzako filtrazioen auziak bultzatuta

Eusko Jaurlaritzako Osasun sailburu Jon Darponek dimisioa eman du, Osakidetzako oposizioen iruzur kasuek bultzatuta.

 


2019-03-12 | ARGIA
Osakidetzako oposizioen gaineko ikerketa abiatu du epaileak

Epaileak hiru sendagile jarri ditu ikerketapean. Fiskalak aurkeztutako txostenean begiz jotako Osakidetzako hiru arduradunei dagokienez, ez du erabakirik hartu momentuz.


2019-03-06 | ARGIA
Darpˇn Osasun sailburuak dimititzen ez badu, Urkulluk kargugabetu dezala nahi du EH Bilduk

Martxoaren 21ean bozkatuko du EAEko Legebiltzarrak Jon Darpón Osasun sailburuaren gaitzespena, Osakidetzako Enplegu Eskaintza Publikoko azterketetako filtrazioen eskandaluaren harira. EH Bilduk koska bat harago eraman du Elkarrekin Podemosen hasierako planteamendua, lehendakariaren esku-hartzea eskatuz.


2019-02-27 | Hala Bedi
Roberto Sanchez (ESK): "Denek dakite Osakidetzak horrela funtzionatzen duela"

Osakidetzako oposaketetako ustelkeria kasuak zalaparta handia sortu du. Filtrazioak egon zirela eta epaimahaiaren aukeraketan gardentasun falta salatu zuten duela hilabete batzuk, eta Jon Darpon Osasun Sailburuaren dimisioa eskatzera ere heldu dira hainbat eragile. Roberto Sanchez izan zen ustelkeria kasu hau argitara ekarri zutenetako bat.


2019-02-20 | ARGIA
Jaurlaritzako Osasun sailburuak dio ez duela dimitituko

Jon Darpon Eusko Jaurlaritzako Osasun sailburuari elkarrizketa egin diote asteazken honetan Radio Euskadin. Osakidetzako iazko Enplegu Eskaintza Publikoan (EPE) izandako iruzurraren auzian fiskaltzak delitu-zantzuak ikusi ondoren.


"Medikuak ez gara jainkoak; pribilegioak amaitu behar dira"

Mediku espezialisten hautaproben inguruko “debate sakon bat” behar dela adierazi dio Roberto Sanchez (Bilbo, 1974) anestesistak ALEAri.


Babesa eskatu dute Osakidetzako iruzurra salatu zutenek

“Salatu nahi dugunak indarra izan dezan, aurpegia eman beharrean ikusi dugu gure burua: mendekua jasaten ari gara Osakidetzako oposaketetan izandako iruzurra salatu genuelako”, adierazi dute Roberto Sánchez eta Marta Machok. Eldiario.es hedabideak eman du honen berri.


2019-01-09 | ARGIA
Oposizioetako iruzurraren ondoren, bi dimisiorekin hasi du urtea Osakidetzak

Ricardo Ituarte Osakidetzako arduradun ekonomikoak eta Juan Carlos Soto giza-baliabideetako zuzendariak euren karguak utzi dituzte 2019ko lehen zazpi egunetan. Kargugabetzeek ez dute esplikazio ofizialik, baina biek izan dute loturaren bat iazko enplegu eskaintzan detektatutako iruzurrarekin.


Osakidetzako Giza Baliabideetako zuzendariak kargua utziko du

2017an hartu zuen kargua Juan Carlos Sotok. Duela bi hilabete aurkeztu zuen dimisioa Maria Jesus Mujika Osakidetzako zuzendari nagusiak.  


Azkenak
EGILEA
Eguneraketa berriak daude