COVID ziurtagiria luzatzeko baimena ukatu dio EAEko Auzitegi Nagusiak Jaurlaritzari

  • EAEko Auzitegi Nagusiak bertan behera utzi du Eusko Jaurlaritzaren eskaera: COVID ziurtagiria beste bi astez luzatu eta eremu gehiagotara zabaldu nahi zuen Jaurlaritzak. 50 lagun baino gehiagoko edukiera duten jatetxeetan eta gaueko-aisian derrigorrezkoa izaten jarraituko du ziurtagiriak.


2022ko otsailaren 01an - 11:52
Azken eguneraketa: 12:55

Urtarrilaren 31ra arte, COVID ziurtagiria ezartzeko bi neurri izan dira indarrean EAEn: batak, 50 lagun baino gehiagoko edukiera duten jatetxeei eta gaueko-aisiari eragin die; besteak, ostalaritzari orokorrean eta beste eremu batzuei, hala nola kiroldegiei, kultur-ikuskizunei, gimnasioei, ospitaleetako eta presondegietako bisitei... Bigarren horren gaineko eskaera zen Jaurlaritzarena, eta hori geratu da bertan behera.

Intzidentzia eta ospitaleetako okupazioa “nabarmen jaisten” ari direla eta beraz “oinarrizko eskubideak murrizten dituen” neurria mantentzea ez dela justifikatzen dio Auzitegi Nagusiaren ebazpenak, proportzionaltasuna, beharra eta egokitasuna aipatuz.

Kutsatzea saihesteko neurriaren eraginkortasunari tiraka, epaileek diote Jaurlaritzak ez duela neurriaren eraginkortasuna eta beharra justifikatu.

Jaurlaritzak helegitea aurkez dezake orain.

Ziurtagiria polemika iturri izan da eta gaiaz erreportaje luzea argitaratu genuen gurean: COVID pasaportea zeren truke?


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude