Bolsonaroren aurkako oihuak pandemia betean donut bat erostera joan denean babes neurririk gabe
Eskuin muturreko Brasilgo presidente Jair Bolsonarok koronabirusari garrantzia kentzen jarraitzen du eta herrialdeko zenbait agintarirekin enfrentatuta dago bere kriterioaren aurka konfinamenduak agindu dituztelako. Ostegunean herritarrek bere aurkako oihuak egin dizkiote, hiriburuko okindegi batera joan denean azpiegitura ministroarekin batera, donut bat jatera.
Bolsonaro "kanpora, kanpora" eta "zoaz etxera" oihuka hartu zuten auzokideek, sare sozialetan zabaldu diren hainbat bideotan ikus daitekeenez.
EM PLENA PANDEMIA!
Bolsonaro volta a circular por Brasília e cria tumulto em uma padaria na 303 Asa Norte, comercial. Foi muito vaiado, em especial pelos moradores de rua q estavam perto do local. Mais um ato irresponsável do Bolsonaro colocando a vida da população em risco. pic.twitter.com/IoWcyXz0OR
— Lula Marques (@LulaMarques) April 9, 2020
Bere semeak txiokatutako bideoan, musika jarri dioten arren oihuak ez entzuteko, amaieran entzuten dira. Bideo honetan argi ikusten da inolako babes neurririk gabe, ez maskara ez eskularru, berarekin argazkiak atera nahi dizuten herritarrak ukitzen ibili dela.
Presidente @jairbolsonaro pára para comer numa padaria de Brasília. pic.twitter.com/uVcRWqyZDj
— Eduardo Bolsonaro🇧🇷 (@BolsonaroSP) April 9, 2020
Ez da Bolsonaro kalera atera den lehen aldia, bai protestak, baita zaleen pilaketak eraginez. Azken asteetan, Brasilgo presidenteak eztabaida handiak izan ditu bere Osasun Ministroarekin, zeinak defendatzen duen segurtasun neurriak hartzea. Brasilen orotara, larunbat arratsaldeko datuen arabera, 20.022 positibo dauzkate eta 1.075 pertsona hil dira koronabirusak jota
Larunbat goizean Bolsonaro hiltzailea dioten pintaketa handiekin esnatu dira Sao Paolo hiriko bazter ugari.
