Bizkaian plaza nagusiek kolore jeltzalea mantenduko dute, baina…

  • Bizkaian jende gehien biltzen den herrietan ez da aldaketarik izango. EAJk eutsi die 2019an irabazitako plaza nagusi gehienei, baina abstentzioaren eta EH Bilduren igoerak zinegotzi banaketa aldatu dute, baita herri bakan batzuetako alkatetzak ere.


2023ko maiatzaren 29an - 00:50
Azken eguneraketa: 09:42

EAJ izan da abstentzioaren kaltetu nagusia eta EH Bilduk, boto emaile militanteagoa izanik, botoetan igoera izan duenez zinegotzi banaketa eta alkatetza bakan batzuen kolorea aldatu ditu. Bizkaiko udal hauteskundeetan EAJk 45.000 bozka eta 38 zinegotzi inguru galdu ditu, eta EH Bilduk aldiz 14.000 bozka 62 zinegotzi irabazi ditu. Orohar herrialdearen mendebaldeak jeltzale kolorea du eta ekialdea EH Bildurena, salbuespenak salbuespen.

Bilbon da joera nagusiaren erakusgarri. EAJ 1979tik ohi legez, oso nagusi da Euskal Herriko hiririk populatuenean. Bigarren indarraren bozkak bikoizten ditu, baina… 17.000 bozka galdu ditu eta bi zinegotzi (12). Bigarren indarra izatera pasa da EH Bildu 3.000 eta bi zinegotzi irabazita (6), PSEren gainetik. Sozialista espainiarrek 2.000 bozka galdu dituzte eta zinegotzi kopuru bera mantendu dute (5). PPk zinegotzi bat eta 2.500 bozka irabazi ditu (4). Elkarrekin Podemosen inguruko koalizioak zinegotzi bat eta 6.000 bozka galdu ditu. Bilboko joera hori beste herri askotan errepikatu da.

Bilbo, Barakaldo, Getxo, Santurtzi, Portugalete, Basauri, Leioa, Sestao eta Erandion 780.000 bat lagun bizi dira: Bizkaiaren bi herenak, eta Euskal Herriaren laurdena kilometro gutxi batzuetan. Horietan ez da aldaketarik alkatetzari begira. Bozkak eta zinegotziak galduta ere, EAJk aurreko legegintzaldian lortutakoari eutsi dio, eta denetan lehen indarra izaten jarraitzen du, Portugaleteko ohiko salbuespena izanezik. PSEk, Ermuarekin batera, Bizkaian duen gotorleku nagusian osasuntsu jarraitzen du. Horrez gain sozialistek, Meatzealdeko bi plaza berreskuratu dituzte: Trapagaran eta Muskiz, EAJren kaltetan. Zonalde oso populatu hauetan azpimarratzekoa da, abstentzioa handituta ere, EH Bilduk botoetan igoera lortu duela gainerako indar gehienen jaitsierarekin batera.

Zinegotzi eta boto kopuruaren igoera orokorraz gain, 2019an lehen indarra izandako ia herri guztiei eutsi die, baita EAJrekiko aldea handitu ere. Adibidez, Galdakaon EH Bilduko alkatea izango dute berriro, baina oraingoan lehen indarra izanik. Durangon ordea, egoera aldatu da. EH Bildu lehen indar bilakatu da, baina Podemos-Elkarrekin inguruko koalizioak izandako emaitza txarrek agintea EAJren esku utziko dute seguruenik. Bermeon, aldiz, bigarren geratu da EH Bildu, baina Guzan hautagaitzaren babesa lortuko balu EAJri alkatetza kentzeko aukera izango lukete. Lehen indarren zerrendara beste herri batzuk gehitu ditu koalizio independentistak: Lekeitio, Sopela edota Markina-Xemein esaterako. Gernikan ere EH Bildu lehena izan da, baina bigarren geratu den Jose Maria Gorroño alkate ohiaren zerrendak aukeratu beharko du nori eman alkatetza.

Blokeei begira, panorama ezkerreko indarrentzat lehen bezain iluna jarraitzen du. EH Bilduk koska bat kendu dio EAJ-PSE-PP kapitalisten multzo nagusiari, baina Elkarrekin Podemosen inguruko hautagaitzek atzera egin dute. Balantzak oso desorekatua izaten jarraitzen du. Gainera horri gehitu behar zaio PPk azken urtetako galera etengabea gelditu duela eta, abstentzioa handituta ere, botoetan gora egin du, 5.000 inguru, ia VOXek beste, bide batez.


Kanal honetatik interesatuko zaizu: Udal eta foru hauteskundeak 2023
Udal hauteskundeetan "iruzur saiakera zantzuak" salatu ditu Donostiako EH Bilduk

Ekialdeko Barrutiko batzarraren eraketan antzeman du irregulartasuna, lau hautesmahai kontaketatik kanpo utzi baitira.


Analisia
Etsaien artean, lagunena

EH Bildu lehen indarra izan den herrietan, eta PPk edo PSNk alkatetza kentzeko aukerarik zuten kasuetan, alderdi espainolistek haien bitartekoak jarri dituzte hori egiteko. PSNk erraztu egin du UPNren alkatetza, esaterako Iruñean, boto zuria emanda. PPk, berriz, EAJ... [+]


Udal osaketen analisia
Turismotik babesteko aldaketa politikoa dator euskal kostalde osoan zehar

Sopela, Bermeo, Mundaka, Lekeitio, Pasaia edo Hondarribia bezalako kostako herrietan EAJ alkatetzatik kanpo geratu da, turismo masifikatuaren aurkako programekin aurkeztu diren ezkerreko alderdi eta herri plataformen emaitzei esker.


Unai Hualde da berriz Nafarroako Legebiltzarreko lehendakaria

Ostiral honetan eratu da Nafarroako Legebiltzarra eta Geroa Baiko Unai Hualde izendatu dute Legebiltzarreko Mahaiko presidente PSN, EH Bildu eta Zurekin-eko botoekin. Aurreko legealdian ere bera izan da legebiltzarreko lehendakaria.


Eguneraketa berriak daude