Berdeago ingurumen azokaren laugarren edizioa aurkeztu dute
Berdeago, Euskal Ingurugiro Iraunkortasun Azokak, laugarren edizioa beteko du 2016an. Aurreko urteetan bezala, Durangoko Landako gunean egingo da –aurten otsailaren 19tik 21era–, eta Durangoko Udalak, Bizkaiko Foru Aldundiak, Eusko Jaurlaritzak eta Eroskik babestuko dute. Sarrera doakoa izango da, bai erakusketarena berarena, bai hari lotutako ekimenetakoa.
“Ingurugiro iraunkortasunaren” alorrean merkatuan existitzen diren aukerak ezagutzera ematea eta herritarrengan ingurumenarenganako kontzientzia handitzea da azokaren helburua, antolatzaileek azaldu dutenez: “Kontsumo alternatibak ezagutu, bioeraikuntza, mugikortasunjasangarria eta zaborren tratamenduaren inguruko berrikuntzen berri izan eta hiriek zein hiritarrek etorkizunean izango dituzten erronkak ezagutzeko aukera bikaina da Berdeago”. 2015ean 9.000 bisita inguru jaso zituen azokak.
73 enpresa izango dira azokan beren produktuak erakusten, aurreko edizioan baino hamazazpi gehiago. Lehen edizioko erakusle kopurua bikoiztuko dela nabarmendu dute aurkezpenean. Enpresa guztiak Espainiako Estatukoak izango dira.
Euskal basoen bilakabideari buruzko dokumentala
Erakusketaz gain, hiru gune izango ditu Berdeagok. Horietako bat estreinako aldiz irekiko da: Film Berdea gunea. Plateruena kafe antzokian egongo da eta ikus-entzunezko bost emankizun izango ditu; azpimarragarriena, Baso ahaztuak euskarazko dokumentala, gure inguruko basoek azken urtetan jasandako eraldaketa azaltzen duena. Otsailaren 21ean, 18:15ean emango dute.
Beste film aipagarri bat Bikes vs cars dokumentala da, munduko hiri garrantzitsuenetan autoen eta bizikleten arteko bizikidetzaz diharduena. Emanaldia otsailaren 19an izango da, 22:00etan.
Passivhaus, energia aurrezten duen eraikuntza moldea
Hitz Berdea gunean 21 hizlari arituko dira ingurumen jasangarritasunari buruzko esperientzien berri ematen. Zirkulo Berdean, berriz, parte hartzeko eta ikasteko aukera izango da. Aurtengo berrikuntzetako etxebizitza pasiboei (passivhaus) buruzko lau orduko ikastaroa izango da. Etxebizitza mota hori Alemanian garatu zen 90eko hamarkadan; energia kontsumoa ohiko etxe batena baino %70 txikiagoa da. Gainera, GoiEner energia kooperatibak argindarraren faktura ulertzen laguntzeko ikastaroa eskainiko du.
Larunbat arratsaldean ke zutabe handia bistaratu zen Zubietako erraustegian. Gipuzkoako Hondakinen Kontsortzioak garrantzi handirik eman ez dion arren, gertakariak hainbat herritar eta eragileren kezka eta haserrea eragin ditu.
Txikitan, beharbada inguruko adinkide gehienen modura “gustatzen ez zaidan” zerbait izatearren, bat batean bota nuen, etxean: “Ez zait gallito gustatzen”.
Maiatzean zabaldu zituen ateak Eako Berton dendak. Iñaki Biteri eta Iratxe Arriola dira proiektu honen atzean dauden kideak, eta diotenez, aspaldian zuten denda irekitzeko ideia buruan: “Umeak ditugu, baserrian bizi gara, zaintza lanetan ari gara, eta bizitza... [+]
2022an egun gutxi batzuetan 15.000 hektarea kiskali ziren Nafarroan. 2024an, eskarmentu haren ondotik, eta Andia mankomunitatearen eskutik, izan genuen lehen aldiz “artalde suhiltzaileen” berri. Zunbeltz Test Gunearen baitan martxan jarritako proiektua.
Piper sasoia da, airea usaindu besterik ez dago. Bertako biperren (Capsicum annuum) aukera handia dugu: pipermina, Gernikakoa, Ezpeletakoa, Angeluko eztia, txorizeroa, pikilloa, morro edo handia eta kristal piperra. Kanpora begiratzen badugu, ezin konta adina dira eta horrek... [+]
Onintza Enbeitak lurrari emana bizi izan den Feli Madariagaren bizitzako hainbat pasarte kontatzen ditu. Urriaren 10ean 18:30etan Muxikan, bi emakumeon artean aurkeztuko dute ARGIAren Bizi Baratzea sailean argitaratu den liburua.
Udazkenean zentzumen guztiak erne dituztela joaten dira onddo biltzaileak mendira. "Hau jangarria ote da, edo toxikoa?", horra onddoen erreinuko ale bakoitzaren aurrean egiten duten galdera. Asmatu ez dutenek, kasurik larrienetan, ospitalean bukatuko dute eta orduan... [+]
Zuhaitzen hostoak erortzen ari dira, eguzkiak ez du hainbeste berotzen baina azken izpiak aprobetxatuz, bazkalostean mendi bueltatxoa ematera irten gara. Mendiaren soinuetan barneratuta, bat- batean tronpetak diruditen “kru-kru-kru” hotsak entzuten dira. Begirada... [+]
Baigorriko pentzeetan jateko sagarrak ekoizten ditu Elena Aguerre laborariak. Lekorneko Garroa etxaldean barazkigintza ekologikoan luze aritua zen, baina 2022-2023ko neguan Baigorrira lekualdatu eta proiektu berria jarri zuen abian: “Pentze bat xerkatu eta hektarea eta... [+]
Udazken sasoia iritsi zaigu eta ohikoak diren irudiak etorri zaizkigu; hostaje gorrixkak, erortzen ari diren hosto bakan malenkoniatsuak, haizeak astindutako orbela.
Inaurkina. Inaurkingintzan buru-begi hasia dago aberats jendea, abeldun jendea, abeltzaina. Buru-begi eta buru-belarriak erne egin beharreko lana da inaurkinarena. Etxeratu nahi den zaborra da inaurkina. Izan ere, zaborra, gaur egun sortzen duguna ez bezala, begi-bistatik... [+]
URA agentziak obrak “berehala” geldiarazi ditu, eta txostena ireki dio Red Electricari. Ez da lehen aldia bentonita isuriak atzematen dituztena. Obrek Gatika eta Europa konektatzea dute helburu.
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
2018tik 2023ra kolore berdea izatetik grisa izatera pasa den lur eremua 9.000 kilometro koadro ingurukoa da, Zipreren adinako azalera. The Guardian-ek argitaratu duen ikerketaren arabera, etxebizitzen eta errepideen eraikuntzara ez ezik, luxuzko turismo, kontsumo eta aisialdira... [+]