"Behin-behinekotasuna sektore publikoan eskandalu bat da"
Europako eta Espainiako Estatuko behin-behinekotasun maila altuena du EAEk sektore publikoan: guztira 60.000 langile behin-behinekotasun egoeran. “Erabat egoera larria” datutan azaldu eta langile horiek egonkortzeko proposamena egin du ELA sindikatuak, apirilaren 22an deituta dagoen grebaren atarian.
Sektore publikoan dagoen behin-behinekotasun maila irauli eta langile horien enplegua kontsolidatzea du helburu ostegun honetarako LAB, ELA, CCOO, ESK eta Steilasek EAEn deitu duten grebak. Egoera deskribatu du ELA sindikatuak, azpimarratuz Europan langileen %20a dela langile publiko, Espainiako Estatuan %16 eta Hego Euskal Herrian %12; azpikontratatutako langileak 120.000 direla sektore publikoan, EAEn (gehiengoa emakumeak); eta behin-behinekotasuna %40tik gorakoa dela alor guztietan. “Behin-behinekotasun hau sistematikoa, orokortua eta kasu askotan iruzurrezkoa da”.
Egoera honek lan baldintzetan eragiten duela gogoratu du sindikatuak, baita herritarrek jasotzen duten zerbitzu publikoaren kalitatean ere. Gainera, argi du administrazioaren erabaki politiko baten ondorio dela, helburu jakinekin: “Pribatizaziorako ezinbesteko aurretiazko pausoa da, enplegu publikoa suntsitzeko erraztasuna ematen du eta diziplina tresna ere bada”.
ELAren arabera, “enplegu publikoaren egoerak argi erakusten du gure agintariek ez dutela zerbitzu publikoetan sinesten eta langileentzat XIX. mendeko lan baldintzak bultzatzen dituztela”.
Egoera irauli daiteke
Aldaketa posible dela nabarmendu du sindikatuak, eta horretarako hainbat proposamen egin ditu. Batetik, habilitazio legala eskatu du: “EBEP aldaketaren bitartez gure herrian kontsolidazio prozesu errealak bideratzea, hemen erabakitzeko eta gauzatzeko oztopoak kenduko dizkigun marko arautzaile bat jasotzea”. Kontsolidazio lege propioa aldarrikatu dute, hainbat ezaugarri izango lituzkeena. Eta kontsolidazio prozesuak ez gauzatuz gero, administrazio horri zigorra aplikatzea eskatu du ELAk. Kontsolidazio prozesu horren nondik norakoak lotura honetan irakur ditzakezue.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Otsaila da iaz ekoiztutako pelikula uzten sari banaketaren hilabetea. Zinemara joateko aitzakiarekin, arkitektura eta hiria oinarri dituen Wim Wenders-en Perfect Days ekarri nahi dut hizketaldira.
Pelikularen sinopsi zabalduan irakurri daiteke komun publikoetan garatzen dela... [+]