“Azken abisua” eman die prefetak herritarrei, arduraz joka dezaten
Ostiralaz geroztik eremu gorrian dago Pirinio Atlantikoetako Departamendua eta positiboen hiru laurden “euskal eremuan” kokatzen direla esan du Eric Spitz prefetak. Neurri murriztaile berriak iragarri ditu, eta egoerak okerrera egitekoan zorrotzagoak hartuko dituela ohartarazi.
Spitzek herritarren bizkar bota du osasun krisiaren bilakaeraren ardura eta debeku berrien aukera larunbatean emaniko prentsaurreko telematikoan. Egun bat lehenago Pirinio Atlantikoetako Departamendua eremu gorrian sartu zuen Frantziako Gobernuak. Prentsaurrekoa Spitz prefetak eta Eskualdeko Osasun Agentziako departamenduko ordezkari Maritxu Blanzacok eman zuten. Blanzacok azaldu zuen COVID-19aren eragina Ipar Euskal Herrian handiagoa dela oro har departamenduan baino. Adibide bezala jarri zuen departamendu osoan hamar pertsona daudela ospitaleratuta, eta horietatik zazpi Baionan daudela. Spitzek gaineratu zuen lau kutsatutik hiru Ipar Euskal Herrian daudela, “bereziki euskal eremuan”.
Aurrera begira, prefetak bi mezu nagusi eman zituen. Batetik, bizitza normala egitea defendatu zuen, “maskara bat eramanik ere”. Bestetik, larritasuna helarazi zuen eta erantzukizun indibidual eta kolektiboa eskatu zien herritarrei. Neurriak bete ezean edo datuek okerrera egitekotan debeku berriak aginduko dituela ohartarazi zuen: “Hau azken abisua da, ezin baitugu permititu egoera sanitarioak okertzen jarraitzea”.
Prentsaurreko berean, neurri murriztaile berriak jakinarazi zituen Spitzek. Besteak beste, maskara derrigorrezkoa da igandetik Hendaian, Hiriburun eta Bokalen (aurretik Baionan, Biarritzen, Donibane Lohizunen, Ziburun, Bidarten, Ezpeletan eta Donibane Garazin zen beharrezkoa). Publikoari irekitako espazio itxietan, zinemak kasu, segurtasun distantzia areagotu da, edo kirol jardueretan neurriak zorroztu dituzte.
42 departamendu eremu gorrian
Ostiraletik, 42 dira eremu gorrian dauden Frantziako Estatuko departamenduak, arrisku handieneko egoera adierazten duena. Eremu gorrian sartzeak Poliziaren kontrola areagotzea dakar, eta prefetei eskumen handiagoak ematen dizkie. Pertsonen biltzea murriztu dezake prefetak, saltokiak itxi, edo mugikortasuna mugatu, esaterako.
Pandemiak agerian utzi ditu, bere gordintasun osoan, zaharren, haurren eta dependentzia egoeran dauden herritarren arreta-eredu neoliberalaren ondorioak. Konfinamendu garaian loratutako diskurtso kritiko eta alternatiba komunitarioak sendotzeko unea da orain”. Horrela hasi... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]