ELA sindikatuak Garbialdi enpresarekin akordio batera iritsi dela adierazi du, hainbat hilabetez Ertzaintzako komisaldegietan eta Gipuzkoako auzitegietan protestak eta grebak egin ondoren.
Garbialdi enpresan lan egiten duten garbitzaileek amaitu dute greba; Eusko Legebiltzarrak komisaldegi eta auzitegiak garbitzeko izendatutako enpresan langileen eskaria nagusitu da azkenean. Irailean hasi ziren grebarekin, emakume eta gizonen arteko soldata-ezberdintasunarekin amaitzeko.
Haien kalkuluen arabera, komisaldegietan lan egiten duten garbitzaileen oinarrizko soldata %13 eta auzitegietan jarduten duten langileen oinarrizko soldata %7 igotzea lortu dute.
Joan den ostiralean borrokan zeramatzaten bederatzi hilabeteak gogoratu zituzten Donostiako Boulevardean egindako hiru eguneko kanpaldiarekin. Manifestazioa egin zuten amaieran, eta haien eskakizunak bete arte greban jarraitzeko intentzioa zutela esan zuten langileek.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]