Autobus elektrikoaren aurkezpenean, metroa "aukerarik txarrena" dela salatu dute Donostian

  • Donostian zirkulazioan jarriko duten dBus-en 28 zenbakiko autobus elektriko berriaren aurkezpenean protesta egin du Satorralaiak. Gipuzkoako Diputatu Nagusi Markel Olano eta hiriko alkate Eneko Goia aurkezpenera batu direnean, "Donostian busean bai, metroa ez dugu nahi!" aldarrikatu dute oihuka hainbat lagunek.

ARGIA @argia
2018ko ekainaren 13a
Autobus elektrikoaren aurrean protesta egin dute metroaren aurka. (Argazkia: Satorralaia)

Ekitaldian banatu duten esku-orrian beren iritzia azaldu dute. Satorralaiaren ustez, "autobusa hiriko mugikortasunari dagokionez aukerarik onena da" eta autobus elektriko berria abian jartzeak "garraio publikoa hobetzeko aukerak badaudela erakusten du".

Metroa eraikitzea, baina, "aukerarik txarrena" da hainbat arrazoirengatik: "Gure hiriaren tamainagatik garraio publikoak eskaini behar duen irisgarritasunari begira desegokia da, baita obraren kostu ekonomiko altuagatik eta eragin kaltegarriengatik ere".

Instituzioen garraio politika kontraesankorra eta "sobera propagandistikoa" dela azpimarratu nahi izan dute. "Dbus-en 28 linean 'ie-tram' ereduko bus elektrikoa abian jartzen duten bitartean, Eusko Jaurlaritzak aurreikusten du Metro pasantearen egitasmoan Dbus-en hainbat linea kentzea (05-Benta Berri, 24-Altza-Gros-Antigua, 27-Altza-Intxaurrondo) eta beste zenbaiten maiztasunari murrizketa garrantzitsuak egitea (28-Amara-Ospitaleak eta 13-Altza, batzuk aipatzearren) nahiz “lanzadera” modura mugatzea (18-Seminarioa, 25-Añorga, 26-Martutene…).

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Donostiako metroa?  |  Garraioa  |  Donostia

Donostiako metroa? kanaletik interesatuko zaizu...
2018-07-04
Donostiako Metroari Stop (abestia)
MULTIMEDIA - bideo herrikoia

Donostiako Metroaren aurkako abestia bidali digute ARGIAra.

Egilea: Antiguo Revolution Zaunk System.


2018-05-29 | ARGIA
Abian da hamar orduko kontzentrazioa metroa gelditzeko eskatuz Donostiako udaletxe aurrean

Hainbat talde sozial eta erakunde Donostiako Metro-pasantearen aurka hamar orduko kontzentrazioa egiten ari dira. 10:00etatik 20:00etara ordu beteko txandak egingo dituzte, protestara biltzen diren herritarrekin batera. Ondorengo eragileek batu dituzte indarrak ekimenean: Satorralaia bizilagunen mugimendua, Ikasle Abertzaleak, Stop Desahucios, Dbus-eko langileen Kurpil elkartea, Ongi Etorri Errefuxiatuak, Podemos-Ahal Dugu, Equo, LAB, Juventud Combativa, Stop Metroari Antiguon, Eguzki,... [+]


2018-05-11 | ARGIA
Donostiako metroaren lanetako hondeamakinen kristalak hautsi dituzte ezezagunek

Donostiako Antigua auzoan, Pio Baroja kalean egiten ari diren metroaren lanetako lau hondeamakinen leihoak hautsi ditzute goizaldean, ETS Eusko Trenbide Sareak salatu duenez. Azpiegitura proiektu honen lehen tunela han zulatzen hasi dira. Ekintza ez du inork hartu bere gain.


Txosten batek agerian utzi du Donostiako metro-pasantea ez dela bideragarria

Donostian eraiki asmo den metro pasanteari buruzko txosten teknikoa garatu du bizilagunen lantalde batek, eta bertan auzitan jartzen da Eusko Jaurlaritzak pasanteari emandako inbertsioa bideragarria ote den.


Donostiako Metroaren pasantearen aurka ekintza ugari antolatu dute

Donostiako metro-pasantearen kontrako Satorralaia mugimenduak ekimen ugari antolatu du maiatzean, ekainaren 2ko manifestaziorako deialdia indartu asmoz.


Donostian metroaren aurkako protesta egin dute lanak hasi dituzten lekuan

250 bat lagun batu dira Donostiako Antigua auzoan hasi dituzten metroaren lanetan, Satorralaiak deituta. "Hiritarrok argi dugu: Stop metroari" lemapean kontzentrazioa egin dute Zarautz etorbidean.


2018-02-22 | ARGIA
Donostiako metroaren obretan kontzentrazioa deitu dute datorren ostegunerako

Datorren ostegunean, martxoaren 1ean, Antiguan hasi dituzten Donostiako metroaren obretan kontzentrazioa deitu du 17:30ean Satorralaia bizilagunen mugimenduak Hiritarrok argi dugu: stop metroari lelopean.


2018-02-12 | ARGIA
Satorralaiako kide bati 'Mozal Legea' ezarri izana salatu dute Donostian

Donostiako auzitegian bildu dira protestarako. Epaiketa emaitzaren zain gelditu da. Ertzaintzak ehun euroko isuna jarri zion norbanako bati, 2016an ustez kontzentrazio baten kokagunea baimenik gabe aldatzeagatik. Honek helegitea jarri zuen.

 


Herri mugimendu ugari elkartu zituen kontzentrazioa Mozal Legearekin zigortu izana salatuko dute

Datorren asteartean, otsailaren 13an, 9:00etan Mozal Legearen aurkako kontzentrazioa deitu dute Donostiako epaitegiaren aurrean. Metroa gelditzeko Satorralaia bizilagunen mugimenduko kide bat zigortu dutela eta honek helegitea jarri duela baliatu dute deialdia egiteko. 2016ko azaroaren 16an, Donostiako Udalak bere buruari "demokraziaren munduko hiriburu" deitu ziola baliatuz, udaletxearen aurrean herri mugimendu ugarik egin zuten protestaren harira zigortu dute.


2017-12-28 | ARGIA
Donostiako metroko obretan baso-mozketa baimendutakoaren bikoitza izan dela salatu du Satorralaiak

Donostiako Antiguako hainbat eremutan zuhaizti eremu zabalak kaltetu zituzten metroko obrek joan den abenduaren 12tik 15era egindako baso-mozketek. Eguzki talde ekologistak eta auzotarrek jo zuten alarma.


Azkenak
EGILEA
Eguneraketa berriak daude