Atutxak ukatu egin du Rajoyren inbestiduraren truke PPk Urkullu babestuko duenik
EAJren Bizkai Buru Batzarreko presidenteak uste du Urkulluk “babes ezberdinekin gobernua osatzeko behar den lidergoa” lortuko duela irailaren 25eko hauteskundeetan.
“Kontuan ere ez dugu hartzen aukera hori. PPk ez du EAJri eskaintzeko ezer, eta gainera, Euskadin etengabe indarra galtzen ari den alderdia da. PP ez da alternatiba EAEko lurraldeetan”. Hitz horiekin ukatu du EAJko Itxaso Atutxak irailaren 25eko hauteskundeen ostean PPren babesa jasotzeko aukera, aurrez jeltzaleek Rajoy babestearen truke.
Deia egunkarian egin ditu adierazpenok Bizkai Buru Batzarreko presidenteak. Besteak beste, EAEko eta Espainiako gobernagarritasunaz, Podemosen agerpenaz eta Otegiren hautagaitzaz mintzatu da.
Atutxaren ustez, EAEn ez da gobernua osatzeko arazorik izango: “Inkestek diotena betetzen bada, gobernuaren osaketa aurrera eramateko adinako nagusitasuna izango dugu, alderdi ezberdinen babesarekin”. Bere esanetan, akordioak lortzen dakiela erakutsi du Urkulluk, baina horretarako besteen programak aztertu beharko direla zehaztu du.
PSErekin eta EH Bildurekin harremanak
Atutxaren esanetan, jeltzaleek ez dute akordioak lortzeko “lehentasunezko bazkiderik”, nahiz eta aitortu duen PSErekin egindako itunak “ondo funtzionatzen duela”. Hala ere, gogorarazi du EH Bildurekin ere akordioak lortu dituztela, “Getxoko udaleko aurrekontuekin egin bezala”.
Koalizio soberanistarekin “azken hilabeteetan Eusko Legebiltzarrean ehundutako harremanak jarraipena izatea” nahi luke BBBko presidenteak. Azaldu du Arnaldo Otegik hauteskundeetara aurkezteko aukera izatea gustatuko litzaiokeela, baina oroitarazi du “lehendakariak ez duela ezer egiterik” hori konpontzeko.
Autogobernu ponentzia eta “gehiengo berriak”
Atutxaren arabera, EAEko autogobernu ponentzia “ez da porrota izan”. Onartu du azken txostena falta dela, baina uste du datorren legegintzaldian berriz gaiari eusteko adina lan egin dela. Hala, “ponentziak euskal autogobernuaren estatusean pauso bat aurrera egin beharra agerian utzi” duela azpimarratu du, eta Podemosen agerpenak gai horretan “gehiengo berriak sortu ditzakeelakoan” dago.
Espainiako gobernagarritasunari dagokionez, Atutxak adierazi du EAJk ez duela “inolaz ere” PPko hautagairik babestuko, “azken lau urteetan euskal autogobernuari eraso egin eta erdeinuzko jokabidea izan duelako”. Aitortu du abenduaren 20ko haustekundeen ostean PSOErekin hitz egin izana, baina zail ikusten du Pedro Sanchezen balizko hautagaitzak aurrera egitea. Atutxak ez du baztertzen hirugarren hauteskundeak izateko aukera.
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Ur azpian utzitako herrietatik joan behar izan ziren 600 pertsonen omenez jarri dute oroigarria urtegiaren begiratokian, "ez ditugu inoiz ahaztuko urperatutako bizitzak", adierazi du Arabako ahaldun nagusiak.
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Eusko Jaurlaritzaren Familia, Haur eta Nerabeen V. plana aurkeztu du Nerea Melgosa sailburuak asteazkenean. Hamazazpi "trakzio-neurri berritzaile" jaso ditu planak, baina ez dute zehaztu noiz jarriko diren indarrean.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]