Babes ekonomikoa eskatu dute Tenerifen hil duten transexualaren Bilboko familia laguntzeko
Tenerifeko Arona herrian (Espainiako Estatua) 29 urteko emakume transexual baten gorpua agertu zen abenduaren 26an, merkataritza gune batetik gertu, labankada zauriak zituela. Kanariar Uharteetako TransGirls Canarias emakume transexualen elkarteak laguntza ekonomikoa eskatu du, Iratxe Oteroren Bilboko familiak hilketaren ondorengo gastuei erantzuteko modurik ez duelako. Uharteko trans, LGTBI+ eta feministek hedabideek biktima eta familia ez dituztela errespetuz tratatu salatu dute.
Joan den abenduaren 26an, goizeko 6ak aldera, Tenerifen, Arona herrian, 29 urteko emakume transexual baten gorpua agertu zen. Espainiako Guardia Zibilak adierazi duenez, hilaren 21etik 22ra bitartean hil zuten emakumea. Gizon bat atxilotu zuten igandean (abenduak 27), poliziak bertako zaintza-irudiak aztertu eta gertuko bizilagunak elkarrizketatu ostean. Bere heriotzaren inguruko xehetasunak urriak badira ere, ikertzaileek karaoke pribatuko taberna batean hil zutela uste dute. Biktimak hainbat labankada jaso zituen sabelaldean, Tenerifeko Auzitegiko Medikuntzaren Institutuak adierazi duenez.
Familiari laguntzeko diru bilketa
Kanariar Uharteetako TransGirls Canarias emakume transexualen elkarteak Gofundme plataformaren bidez diru bilketa abiatu du. 3.000 euro bildu nahi dituzte eta 250 euro jaso dituzte orain arte. Adierazi dutenez, Iratxe Oteroren senideak Bilbon bizi dira eta ez daukate baliabide ekonomikorik gastuei aurre egiteko. Besteak beste, Oterori azken agur duina ematea lortu nahi du emakume transexualen elkarteak.
Hedabideen jokabidea
Hilketaren berri eman zuten hedabide askok ez dute biktimaren nortasuna errespetatu eta haren jatorrizko izena erabili dute. Bestalde, gertaera izan zeneko argazkiak filtratu direla salatu dute. Horregatik, trans, LGTBI+ eta feministen elkarteek indarkeria instituzionala salatu dute. Elkarteek jakinarazi dute ikerketa-prozesuan biktimaren eta haren familiaren intimitaterako eskubidea urratu dutela hedabideek. Transfeminizidioa izan dela gogorarazi dute: "Ez da gertakari isolatu bat, are gutxiago albiste iragankor bat. Albiste tragiko hori trans kolektiboaren aurka egunero egiten den indarkeriaren lekuko da, zehazki, emakume transen aurka, bereizkeria-karga handiagoa jasaten baitute".
LGTBI+ eragileek prebentzioa, justizia eta erreparazioa eskatu dituzte. Indarkeria patriarkalaren, transfobiaren eta lgbti-fobiaren aurkako borroka gizarte osoaren ardura dela adierazi dute. Erakunde publikoei jakinarazi diete betebeharra beraiena dela eta indarkeria horiek sortu, erreproduzitu eta betikotzen dituzten zergatiei heltzeko politikak eta estrategiak ezartzea beharrezkoa dela.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana