Azpeitian zabaldu duten joko aretoaren aurkako dinamikaren barruan, elkarretaratzea deitu du Elkar-ekin mugimenduak abenduaren 15erako.
"Apustua ez dela errenta dio esaerak, baina gutxi batzuk errenta handiak pilatzen ari dira azkenaldian", diote elkarretaratzea deitzeko plazaratutako testuan: "Irabazi handien itzalean daude apustuetan dirua galtzen dutenak, enpresa hauek hainbeste diru irabazi izanak jendeak beste hainbeste galdu dituela esan nahi baitu. Prekarietatea eguneroko ogia den honetan, asko dira diru gehigarri baten bila apustuetara jotzen duten herritarrak". Elkar-ekin mugimenduak salatu du apustu etxeek "mendekotasuna sortzen duten teknikak" erabiltzen dituztela, “joko arduratsua” sustatzen dutela dioten bitartean. "Idatzi hau sinatzen dugun taldeok Azpeitian ez dugula apustu etxerik nahi aldarrikatzen dugu, eta bat egiten dugu abenduaren 15ean, arratsaldeko 19:00etan, Balentina Agirre plazan izango den kontzentrazioarekin".
Elkarretaratzera deituz Ernaik egindako bideoa:
1.636 sinadura
Elkar-ekin kolektiboak hilabeteak daramatza joko aretoaren aurka borrokan. Beste zenbait egitasmoarekin batera, sinadura bilketa egin du Azpeitian. 1.636 bildu dituzte, eta pasa den astean aurkeztu zituzten aretoan bertan, Uztarriak plazaratutako argazkian ikus daitekeen moduan.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.