Munduko 10 enpresa handienen artean dago Amazon eta urtez urte irabaziak handitzen ari da. 2017an, adibidez, 178.000 milioi dolar irabazi zituen, eta ordutik hona %70 inguru hazi dira bere irabaziak.

Funts hau abian jartzeko enpresak egindako 25 milioi dolarreko donazioa, beraz, huskeria da Amazon bezalako enpresa batentzat. Funts horretan ekarpen gehiago egiteko asmoa ere agertu du multinazionalak, baina horretaz gain, herritarrei dei egin die beren patrikatik ere jar dezaten: “Ez dugu espero inork horrelakorik egitea, baina nahi baduzu donazio boluntario bat egin dezakezu”, dio funtsaren webguneak.

Momentuz AEBetan bizi diren aipatutako langileentzako soilik izango da. Aurrera begira, ordea, beste herrialde batzuetara zabalduko dutela jakinarazi dute.