Altsasuko bertsio ofiziala zalantzan jarri zuten herritarrak Auzitegi Nazionalaren jopuntuan
Altsasuko liskarra terrorismo delituagatik ikertzearen alde azaldu da Carmen Lamela Auzitegi Nazionaleko epailea, Guardia Zibilaren eta Foruzaingoaren txostenek halakorik ez dagoela esan arren.
Urriaren 15ean Altsasun izandako liskarrak terrorismo delitu izan zirela salatu du Covite Euskal Herriko Terrorismoaren Biktimen Elkarteak. Horri jarriki, auziaren ikerketa egitea erabaki du Carmen Lamela Auzitegi Nazionaleko epaileak.
Adierazi duenez, Zigor Kodearen 573.artikulua urratu dute liskarrean aritu zirenek. Guardia Zibilek eraso “bortitza” jasan zutela dio Lamenak, eta “Nafarroan jasaten duten jazarpenari” buruzko txosten bat eskatu dio Guardia Zibilari.
Horrez gain, auziaren bertsio ofiziala salatzeko egindako agerraldian elkartu ziren herritarrak identifikatzeko ere eskatu du. Baita Altsasuko Gaztetxearen twitterreko kontua daramatenak ere.
Azpiko orrian, koadro urdinean ikus daiteke bertsio ofiziala zalantzan jarri zutenak identifikatzeko nola eskatzen duen.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
