Alokairuaren prezioari muga jartzeko lege-proiektua aurkeztu du Nafarroako Gobernuak

  • Etxebizitza alokairuaren prezioa kontrolatzea ahalbidetuko duen lege-proiektua adostu dute Nafarroako Gobernua osatzen duten hiru alderdiek. Legebiltzarrean bide luzea du oraindik aurretik.


2022ko urtarrilaren 18an - 10:52
Azken eguneraketa: 11:55

2010eko Etxebizitzaren Legea aldatuz etxebizitzaren merkatua arautzeko tresna berriak eskura izatea da helburua. Alokairuari, adibidez, tokian toki gehienezko prezio erreferentzia ezarriko dio Gobernuak eta horretarako bi adierazle hartuko ditu kontuan: gutxienez 3.600 euroko urteko errenta eta gehienez lanbide arteko soldata bider 1,5.

Horrez gain, lege-proiektuak aurreikusten du besteak beste alokairu kontratuen erregistroa ezartzea eta babes ofizialeko etxeen kalifikazioa iraunkortzea –alegia, etxebizitzen izaera publikoa epe luzeagoan mantentzea–.

Lege-proiektuak bidea egin beharko du orain Legebiltzarrean. PSNk, Geroa Baik eta Ahal Duguk osatzen duten gobernua gutxiengoan dago parlamentuan, eta negoziaketa faseari ekingo diote, oposizioko alderdien ekarpenekin testua osatzeko.


Kanal honetatik interesatuko zaizu: Etxebizitza eskubidea
Etxebizitza arazoa eta lan-mundua

Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.

Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]


Haritu: "Familia batzuek sei hilabete daramatzate hotel batean"

Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]


2024-04-09 | Euskal Irratiak
Iñaki Etxeleku: "Gure estatutuek espekulazio merkatutik kanpo ezarri dute gure etxebizitza kooperatiba"

Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.


2024-04-05 | Uriola.eus
Alokairuen laguntzak eskuratzeko baldintzak gogortu direla salatu du Berri-Otxoak plataformak

Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.


Eguneraketa berriak daude