Aieteko Bake Konferentziaren edukiak ez dira bete bost urte ondoren

  • Aieteko Konferentzia egin zenetik bost urte iragan dira astelehen honetan. Donostiako Aieteko Jauregian egin zen bake konferentzia eta bost puntu nagusi adostu ziren bertan.


2016ko urriaren 17an - 14:04
Nazioarteko pertsona ezagunek Bake Konferentziaren ondorioak azaldu zituzten ekitaldiaren amaieran. (Argazkia: Dani Blanco).

ETAk armak uztea. ETAri jardun armatua behin-betiko amaitzea eskatzen zitzaion. Horrela egin zuen ETAk handik hiru egunera, 2011ko azaroaren 20an.

ETA eta gobernuen arteko elkarrizketa. Espainiako eta Frantziako Gobernuei ETArekin hitz egitea eskatzen zitzaien, “soilik gatazka armatuaren ondorioez”; funtsean armagabetzea, preso eta erbesteratuak eta ETAren egoeraren gaiak jorratu behar ziren.

Biktimen aitorpena. Biktima guztien minari buruzko aitortza egitea, horrek biktimen duintasunean eta bizikidetzan aurrera egitea lagunduko zuelako.

Elkarrizketa politikoa. Eragile politiko ez-bortitzak eta alderdi politikoen artean elkarrizketei ekitea, gatazkaren oinarrian ziren gai politikoez jarduteko. Herri Kontsulta bat egitea ere aholkatzen zuen.

Jarraipen batzordea. Nazioarteko aholkulari taldeak bere prestutasuna agertu zuen bake prozesua bideratzen laguntzeko eta horretarako jarraipen batzorde bat osatzeko.

ETAk egun gutxira iragarri zuen jarduera armatuaren amaieraren lurreratze pistatzat jo zen konferentzia eta sekulako oihartzuna sortu zuen euskal gizarte osoan. Bertie Ahern Irlandako lehen ministro ohiak hala adierazi zuen bilkuraren zentzua: “Euskal Herrira etorri gara gaur Europako azken konfrontazio armatua behin betiko gainditzeko garaia iritsi dela eta posible dela pentsatzen dugulako”.

Konferentziaren puntu nagusiak, alabaina, zintzilik dira. Balorazio ugari egin daitezke aipatu bost puntuez, baina laburpena honakoa litzateke: ETAk borroka armatua utzi zuen, baina ez da elkarrizketarik eman Frantzia eta Espainiako gobernuekin, edo ez da publiko egin behintzat. Preso eta erbesteratuen egoera konferentziaren aurreko bera da. ETAk ez da oraindik armagabetu. Ez da mende erdiko gatazkaz eta arazo politikoez elkarrizketa berezirik eman. Biktimen minari buruzko aitortzaz urrats garrantzitsuak eman dira euskal gizartean.


Kanal honetatik interesatuko zaizu: Euskal bake prozesua
Atristain eta Inziarteren kartzelatzeekin hirugarren gradua fiskalaren esku dago, espetxearen esku egon beharrean

Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.


Blokeo egunaren harira, gibelapenezko 800 euroko isuna jaso dute bederatzi bakegileek

Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.


2022-11-15 | ARGIA
Urtarrilaren 7an Bilboko kaleak betetzera deitu dute, euskal presoen eskubideak aldarrikatzeko

Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]


2022-06-23 | ARGIA
Uztailaren 23an Ipar Euskal Herria blokeatuko dute Parot eta Esnal aska ditzaten

Hori adierazi dute Bake Bideaneko ordezkariek ostegun honetan Luhuson egindako agerraldian. Azkenekoz, ekainaren 9an eta 15ean aztertu zuen Frantziako justiziak Ion Parot eta Jakes Esanen askatasuna, eta epaileek haien baldintzapeko askatasunaren alde egin zuten, baina... [+]


Anaiz Funosas, Bake Bidea
"Onartu daitezkeen baldintzapeko askatasun horien aitzinean harresi bezala jokatzea deliberatu dute"

Jakes Esnal baldintzapean aske uzteari buruzko erabakia uztailaren 21era atzeratu dela jakin aitzin izan da ARGIA Anaiz Funosas Bake Bidearen bozeramailearekin –Ion Paroten kasuan, datorren astean jakinen da erabakia–. Badu 32 urte kartzelan direla. Pairaturiko... [+]


Eguneraketa berriak daude