AEBek Hamasi leporatu nahi diote su-etena ez adostearen errua
Hamasek akordio proposamenari egindako aldaketa batzuk “ez dira egingarriak”, AEBetako Estatu idazkariaren arabera. Israelek ere ez du ofizialki onartu proposamena, baina AEBek Hamas aurkezten dute oztopo bakar gisa.
Gazan su-etena lortzeko bidean, mahai gainean dago Joe Biden AEBetako presidenteak egindako akordio proposamena. Bidenen hitzetan “armada israeldarra Gazatik ateratzea eta su-eten iraunkorra” ekarriko lituzke proposamenak, hiru fasetan. Hamasek eta Israelek ez dute ofizialki onartu, eta Hamasek akordioan aldaketa batzuk proposatu ditu. Hainbat adituren arabera, ez da akordio errealista. Izan ere, sionistek askotan adierazi dute edonola ere “gerrarekin” aurrera jarraituko dutela, baita azken proposamena aurkeztu ostean ere. Baina AEBek Hamas aurkeztu nahi dute erantzule gisa, su-etenerako oztopo bakarra milizia palestinarra balitz bezala.
Hamasek “positibotzat” hartu zuen Bidenen proposamena, aurkeztu eta gutxira egindako behin-behineko adierazpenetan. Hala ere, aldaketa batzuk egin dizkio akordio proposamenari. Antony Blinken AEBetako Estatu idazkariak adierazi du Hamasen aldaketa batzuk “egingarriak” direla, baina beste batzuk ez. “Hamasen erantzunaren ondorioz aurrera jarraituko du Israel Gazan egiten ari den gerrak”. Hamasen hitzetan, haien erantzunak lehentasuna ematen dio “Gazako erasoak guztiz gelditzeari eta sionistak Gazako zerrenda osotik ateratzeari”.
Ez dago argi zein diren eztabaida puntuak Hamasen eta AEBen proposamenaren artean. Bidenek esan zuen haien proposamena Hamasek maiatza hasieran onartutako proposamenaren berbera zela, eta orain ere onartu beharko lukeela. Milizia palestinarrak argitu du haiek maiatzean onartu zutena Qatar eta Egipto bitartekariek egindako proposamena zela, ez orain aurkeztutakoa. Bidenen azken proposamenak Israelek egindako aldaketak barne hartzen ditu, eta horien inguruko aldaketak proposatu ditu Hamasek, jakinarazi dutenez. Hamasek Blinkeni leporatu dio Israelgo Atzerri ministroaren papera hartu izana, ez bitartekariarena.
Errua banatzera jolasten
Israelgo agintari batek adierazi du Hamas eraman nahi dutela onartzera Bidenek egindako jatorrizko proposamena, aldaketarik gabe, eta ordura arte ez dela Israelgo ordezkaritzarik bidaliko Kairo edo Dohara, negoziaketekin jarraitzeko. Hala ere, Israelek ez dio erantzun ofizialik eman AEBen proposamenari, nahiz eta Blinkenen adierazpenetan ulertu daitekeen Hamas dela baiezkoa eman ez duen bakarra. Proposamena aurkeztu ostean, Israelgo lehen ministro Netanyahuk esan du “akordioarekin ala gabe” aurrera jarraituko duela oldarraldiak, helburu guztiak bete arte. Hamas “guztiz suntsitzea” eta bere gaitasun militarrak eta gobernantza gaitasunak deuseztatzea dira Netanyahuk aipatutako helburuak, baina hainbat adituk ohartarazi dute “ezinezkoa dela” horiek lortzea.
Daniel Levy US Middle East Projecteko lehendakaria da eta Israelgo negoziaketa taldean egon zen 1990ean. Al Jazeerarekin hitz egin du azken egunetan, eta adierazi du Blinken ez dela zintzoa izaten ari. “Ez da benetan akordioa lortzeko saiakera bat, fokoa aldatzekoa baizik, erru joko bilakatu, Hamas erantzule gisa aurkezteko”. Levyren hitzetan, impasse egoera da egungoa. Hamasek soilik onartuko du akordioa su-eten iraunkorra ekartzen badu, eta Israelek ez du su-etenik nahi “edozein terminotan dela ere”. Gainera Israelen su-etenaren alde egon zitezkeenek gobernua utzi dute, Benny Gantz ministroak kasu. “Benny Gantz ez da bakezalea, ez dago nazioarteko legediaren alde eta gerra babestu du orain arte”, baina Netanyahuren gobernuari kontrapisu apur bat egin ziezaiokeen bakarra da, Levyren arabera.
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura,... [+]
Zazpi auzotarako eta Jabaliako errefuxiatu-kanpalekurako aginduak eman ditu estatu sionistak, eta ohartarazi dute "babesleku" izendatutako eremuak erasotzeko "patroi" bat jarraitzen duela.