Dimititu egin du Netanyahuren ministro batek eta honenbestez, “moderatuen” babesa galdu du
Netanyahuk “benetako garaipena oztopatzen” duela argudiatu du Benny Gantz ministroak, gerra kabinetea uzteko arrazoien artean. Netanyahuren gobernuak indarrean jarraitzeko babes nahikoa du oraindik, baina “zentrikoena” den alderdia galdu du.
Batasun Nazionala alderdiko buru Benny Gantzek utzi egin ditu gerra kabinetea eta larrialdiko gobernua, eta salatu du Netanyahuk ez duela gerra osterako planik. Ultimatuma emana zion lehen ministroari, argitu zezan zein zen Gazarako estrategia, eta erantzunik jaso ez duenez, gobernutik ateratzea erabaki du. Politikari “zentrista” bezala aurkeztu izan du bere burua Israelen, eta orain Netanyahuri eskuin muturraren babesa besterik ez zaio geratzen.
Gantz atera izanak ez du berehalako arriskuan jarriko Netanyahuren gobernua, koalizioak oraindik gehiengo osoa duelako Knessetean, Israelgo parlamentuan, 64 eserleku ditu 120tik. Hala ere, Netanyahuk are menpekotasun handiagoa izango du eskuin muturreko aliatuekiko, Gazaren okupazio osoa eskatzen duten horiekiko. Gantzen alderdia “zentrista” da Israelgo politikagintzan, hainbat adituren arabera, eta baliagarria izan zaio Netanyahuri diplomazia lanetan, babesa areagotzeko Israelen, zein atzerrian. Orain Netanyahuk ultrakontserbadoreen presio gehiago jasatea espero da, amaierarik ikusten ez denean Gazako genozidioarentzat, eta Libanoko Hezbollahrekin borrokak areagotzeko arriskua dagoen honetan.
Benny Gantzek, dimisioa aurkezteko prentsaurrekoan, adierazi du "harro" hartu zuela parte urriaren 7aren ondoren larrialdiko gobernu kabinetean, baina zortzi hilabeteko borroken ondoren "aurrera begiratu beharra" dagoela. Yoav Gallant Defentsa ministroari dei egin dio “ausarta izan eta egin beharrekoa egin" dezan. Salatu du Netanyahu porrot egiten ari dela Hamasen aurkako gerran, eta “oztopatzen ari dela benetako garaipenera” heltzea. Hauteskundeak deitzeko eskatu dio lehen ministroari.
Netanyahuk kritika egin dio Gantzi, esanez ez dela momentua “itsasontzia abandonatzeko, indarrak batzeko baizik”. Itamar Ben-Gvir Israelgo Segurtasun ministroak beretzako eskatu du Gantzek gerra kabinetean zuen eserlekua. Ben-Gvir buru duen Botere Judua alderdi ultranazionalistak, sei eserleku ditu parlamentuan, eta palestinar guztiak hil edo kanporatzea proposatzen du. Bezalel Smotrich Finantza ministroak Gantzi leporatu dio Hamasek, Hezbollah-k eta Iranek nahi dutena egin izana.
Benny Gantz zentrista?
Hala aurkeztu izan du Gantzek bere burua Israelen, eta Netanyahuren aurkari nagusi izan daiteke presidentetzarako bozetan. Askok zalantzan jarri dute Gantzen moderazioa, edo moderazioaren kontzeptuak berak zer esan nahi duen Israelen. 2019an parlamenturako bozetarako kanpainan, adibidez, Benny Gantzek bideo bat argitaratu zuen, Gazako suntsiketa agertzen zena, zuri beltzean, “palestinarrak harri arora bueltan bidaltzea” proposatzen zuten hitzekin.
3.000 zauritu ere utzi dituzte Israelgo Armadaren erasoek. Maiatzaren bukaeran berrekin zioten laguntza humanitarioari, GHF fundazio estatubatuarraren eskutik; eta ordutik, bertaratutakoei tiro egin diete soldadu israeldarrek.
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]