Gasteizko Udaltzaingoak 85 urteko erasotzailea atxilotu du, eta hilketa saiakera leporatzen diote. Biktima labankadak saihesten ahalegindu da, eta zauriak ditu eskuetan zein besoetan.
Gasteizko indarkeria matxistaren azken kasua igande honetako arratsaldean jazo da, 16:30ak aldera, Lakua-Arriaga auzoan. El Correo egunkariaren arabera, eztabaida baten erdian, 85 urteko gizon batek labanaz eraso egin zion bikotekide ohiari, Batzar Nagusien kalean.
Polizia-iturrien arabera, erasotzailea biktima sastakatzen saiatu zen behin baino gehiagotan. Emakumea eskuekin defendatu zen, eta, ondorioz, hainbat labankada jaso zituen besoetan.
Lakuako hainbat bizilagunek erasotzailea geldiarazi zuten; gizona atxiki egin zuten, eta, ondoren, 092 telefonora deitu. Udaltzaingoaren patruilak eta anbulantziak berehala agertu ziren Batzar Nagusien kalean. Lehenengoek erasotzailea atxilotu zuten, eta bigarrenek ospitalera eraman zuten emakumea, besoetako zauriak artatzeko; biktima arriskutik kanpo dago.
Gaua Agirrelandako polizia-etxean igaro ostean, ustezko erasotzailea astelehen honetan —edo asteartean, beranduenez— eramango dute Emakumearen aurkako Indarkeriaren Gasteizko Epaitegira. Hilketa saiakera leporatu diezaiokete, eta epaileak erabakiko du aske gelditu ala espetxera joango den.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.