67.000 hildako, ia bi milioi desplazatu eta gosetea: genozidioaren bigarren urtemuga
2023ko urriaren 7an, Hamasen erasoaren ostean, palestinar herriaren kontrako genozidioari hasiera eman zion Israelgo Estatuak. Trumpen planaren negoziaketa betean, beldurgarriak dira bi urteotako sarraskiaren zifrak.
67.000 palestinar hil ditu Israelek, 170.000 zauritu ditu, Gazako Zerrendaren zati handi bat birrindu du, Gazako bi milioi biztanleetatik ia guztiak desplazatzea eragin du eta Ekialde Hurbileko historiako lehen gosetea bortxatu du. Nazio Batuen Erakundeak berak esana da: Gazako palestinarrak suntsitzeko asmoz ari da Israel.
Horren adierazgarri, pasa den martxoan Israelek su-etena apurtu eta Gazaren aurkako erasoak berrabiatzea, palestinar eremuan erabateko blokeoa ezarrita. Egoerak gosetea ekarri du zerrendan eta 460 pertsona hil dira desnutrizioz, azken hilabeteotan.
Uneotan, AEBetako presidente Donald Trumpek inposatutako bide-orria negoziatzen ari dira Egipton Israel eta Hamas; Egipto bera, Qatar eta AEBak bitartekari lanetan ari direla. Hamasek ez badu onartzen Trumpek eta Netanyahuk erabakitako “akordioa”, Palestinaren aurkako genozidioak ez du etenik izango.
“Bi urteko delirio kolektiboa”
Israelgo gizarteak bi urteko delirio kolektiboa bizi duela dio Meir Margalit historialari argentinar-israeldarrak, elDiario.es-en: “Gutxiengo mesianiko, fanatiko, fundamentalista, faxista bat ari da herrialdearen norabidea eta baita etorkizuna ere markatzen. Netanyahu gutxiengo horren esanetara dago eta herrialdearen gehiengoa darama herrestan”. Israelgo gizarteak jarrera militarista baino ez duela ikusten dio Margalitek.
"Ez dago oposizio nahikoa zentzudunik ulertzeko eta esateko okupazioa dela herrialdearen arazo nagusia eta okupazio hori bertan behera utzi behar dela"
Zergatik? Bere hitzetan, “jendeari burua jan diote eta haurrek txiki-txikitatik ikasten dute ‘arabe’ dela mehatxuaren sinonimo. Zer esanik ez, armadan egiten dieten buru-jatea. Hainbeste urtetako presio psikologikoaren ostean, israeldarra ez da gai militarra ez den beste soluziorik ikusteko”.
Beste arazo bat ere ikusten du historialariak: ez dago benetan ezkerrekoa den oposiziorik. Indar politiko guztiak eskuinekoak dira eta inork ez du nahi lurralde palestinarren okupazioa bertan behera utzi. “Ez dago oposizio nahikoa zentzudunik ulertzeko eta esateko okupazioa dela herrialdearen arazo nagusia eta okupazio hori bertan behera utzi behar dela”.
Israel Premier Tech txirrindularitza taldeak datorren denboraldirako “egungo nortasun israeldarretik urruntzera” behartua ikusi du bere burua, Espainiako Vueltan hauspotu ziren protestengatik. Gainera, Sylvan Adams sionista ez da aurrerantzean proiektuaren buru... [+]
Ordezkariak Egiptoko Sharm el-Sheikh hirian bilduko dira, Sinai penintsulan, Trumpen lehen fasearen "mekanismoak eta xehetasunak" aztertzeko. Bien bitartean, bonbardaketek hildakoen kopurua handitzen jarraitzen dute; azken 24 orduetan beste 65 palestinar hil ditu... [+]
Global Sumud Flotillako ontzietan zihoazen lau aktibista euskaldunak Atenasera Euskal Herriko 15:30ean heldu dira eta handik Loiura zuzenean hartuko dute hegaldia, 23:15ean iristeko. Jada aske utzi dituzten ekintzaileek kolpeak, umiliazioak, loaren galaraztea edo janaria eta ura... [+]
Palestinaren Elkartasuna taldeak deitutako manifestazio jendetsua Antoniutitik abiatu da, Israelgo Estatua desagertzearen eta erresistentzia palestinarraren aldeko aldarriak eta gobernu aurrerakoien aurkako oihuak eginez.
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Flotilla gelditu du Israelgo armadak, Gazara iritsi aurretik. Ontziak Israelek "arrisku eremu" gisa izendatu duen lekuan dira asteazken goizetik. Iluntzean, 20:30ak pasatxoan heldu dira ontzi militar israeldarrak lehen abordaiak egitera. Flotillako ontzietan zihoazen lau... [+]
Flotillako euskal ordezkaritzaren prentsa lantaldeko Ana Casconek ARGIAri baieztatu dio informazioa. Lau euskal herritar abiatu ziren Bartzelonatik Gazara bidean Global Sumud Flotilla nazioarteko ekimenean: Itziar, Jotas, Karim eta Mikelon (euren abizenak ez ematea erabaki dute).
Mediterraneo inguruko komunikabideetan gertakariak presentzia handia du. Aldiz, Alemanian isiltasun handia dago, eta Erresuma Batuan nahiko atzean ematen dute notizia.
Arratsaldean herri guztietako udaletxeen aurrean mobilizatzera deitu dute, eta Hego Euskal Herriko hiriburuetan manifestazioak egingo dituzte. EHUn ere antolatu dituzte mobilizazioak.
19:30ak aurretik, ontzidi humanitarioaren antolakuntzak jakinarazi du, GPSaren arabera, hogei itsasontzi baino gehiago gerturatzen ari zaizkiela pare-paretik.
Flotillari Israelek eraso eginez gero, greba orokorra antolatzeko prest zeudela adierazia zuen Italiako sindikatu handiena den CGIL-eko buruak, Il Messaggero egunkariak jaso duenez. Asteazken gauean, deialdia jada publiko egin dute: ostiralean greba orokorra.
Ikasturte berriarekin batera, EHU Palestina plataformako kideok berriro batzen hasi gara, ikasgela, ikerketa eta gainerako unibertsitate-jardueretan Palestinan Israel egiten ari den genozidioa eta horren konplizeak salatu eta baztertzeko. Abiatu ginenean oso bakarti sentitu... [+]
Nazioarteko ontzidiak larrialdiko prentsaurrekoa deitu du asteazken goizean, “arrisku eremuan” sartu berritan. Itsasontzietan dauden kideek “intimidazioa” eta “gerra psikologikoa” salatu dituzte Israelen eskutik. Albanese NBEko errelatore... [+]