57 urtez bere emazteari tratu txarrak emateagatik urte eta hamar hilabeteko kartzela zigorra ezarri diote gizon bati
Asteartean Donostiako epaitegi batek gizon bat kondenatu du, ezkondu zirenetik bere emaztea 57 urtez egunero psikologikoki eta fisikoki azpiratzeagatik. Epaitegiak urte eta hamar hilabeteko kartzela zigorra ezarri dio erasotzaileari.
Fiskaltzak eta akusazio partikularrak eskatutako zigorra onartu du akusatuak. Hiru deliturengatik kondenatu dute 80 urte baino gehiago dauzkan gizona: ohiko tratu txarrak, bidegabeko isekak eta mehatxuak. Biktima ere 80 urtetik gorakoa da.
Fiskaltzaren akusazio-dokumentuaren arabera, auzipetuak biktimaren borondatea etengabe menperatu zuen iseken bitartez. Horrez gain, akusatuak uste zuen emaztea ez zitzaiola fidela izan eta elkarrekin zituzten seme-alabak bereak ez zirela leporatzen zion etengabe emazteari.
Hala dio espresuki akusazio-dokumentuak: “Akusatuak, bikotearekiko dominazio- eta kontrol-posizioa mantenduz, biktima garajean edo trastelekuan giltzapetzen zuen, eta kaltedunak gaua bertan igaro behar izaten zuen sarritan. (…) Beldur eta biolentzia egoera hori mantentzeko, askotan aurpegira oihukatzen zion, platerak botatzen zituen eta bultzatu eta jo egiten zuen”.
Dokumentuak, horrez gain, gertaera zehatz bat jasotzen du, 2017ko abuztuaren 14ko gauean jazotakoa. Egun hartan, gizonak bere emaztea umiliatzeko, isekatu egin zuen eta heriotza-mehatxua egin zion haien semearen aurrean. Horren ondoren, gizonak aizkora bat hartu eta ama eta semea zeuden lekura hurbildu zen, familiako bi kideak beldurtzeko arma altxatuz.
Osoko Balorazio Forentseko Unitateak egiaztatu zuen biktimak salatutako gertakarien ondorioz arazo psikologikoak dituela. Kasuaren gertuko lekukoek salatu dute jada hilik dagoen seme baten aurka ere tratu txarrak egiten zituen kondenatutako gizonak.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
