ARGIA.eus

2021eko abenduaren 02a

3.800 euro jaso dituzte Tubacexeko langileek Cadizen greban dauden beharginentzat

  • Astearte gauean joan da Tubacexeko langileen talde bat Cadizera eta hango erresistentzia kutxan egingo dute ekarpena.

Aiaraldea @aiaraldea  |  Aitor Aspuru Saez
2021eko azaroaren 24a
Albiste hau Aiaraldeak argitaratu du eta Creative Commons BY-SA 3.0 lizentziari esker ekarri dugu.
Argazkia: Aiaraldea.eus

Tubacex enpresako ia 200 langilek ekarpen ekonomikoa egin dute Cadizen greban dauden beharginei elkartasuna adierazteko. Horrela, 3.800 euro batu dituzte metalaren sektoreko protestak babesteko. 

Asteburuan hasi ziren Aiaraldeko fabriketako langileak egitasmoa zabaltzen euren artean, eta astearte gauean joan dira Andaluziako hirira. Euren asmoa asteazkena eta osteguna Cadizen egotea eta protestetak babestea da.

236 greba egun Aiaraldean, 8 jadanik Cadizen

Tubacexeko langileek 236 egun bete zituzten greban kaleratzeen eta prekarizazioaren kontra eta bide horretan hainbat tokitako behargin zein ekintzaileren elkartasuna jaso zuten. Greba amaitzean nabarmendu zuten jasotako laguntza guztia ez zutela ahaztuko, Erresistentzia Kutxako kideek bereziki.

Cadizeko metalaren sektorean dauden beharginek (enpresa txikietakoek, bereziki) duela zortzi egun abiatu zuten lanuzte mugagabea. Protestek eragina izan dute hiriko hainbat puntutan eta istiluak poliziarekin arruntak bilakatu dira. Esaterako, asteartean egindako manifestazioan estatuko segurtasun indarrek pilotak eta gas-poteak baliatu dituzte.

Zehazki, grebalariak lan hitzamen duina aldarrikatzen ari dira. Aintzat hartuta Kontsumo Prezioen Indizea izugarri igo dela aurten, soldata igotzea eskatu dute. Horrez gain, beharginen erakundeek salatu dute prekarietatea oso handia dela Cadizeko lantegi eta tailerretan eta lan hitzarmenak ez direla betetzen. Alegia, indarrean dauden protestak inflexio-puntua dira sindikatuentzat.

Izan ere, Cadizeko probintzian, esaterako, langabezia tasa %27an dago eta egiten diren kontratuen %94 behin behinekoak dira. Metalaren industriak 20.000 lanpostu baino gehiago mantentzen ditu lurralde horretan eta, Aiaraldean bezala, enpresa handien itxiera izan da joera historikoa 1980ko hamarkadatik hona. Duela 30 urte ontziolako enpresa ezagunenak desagertu ziren eta XXI. mendean autoetara lotuta zeudenak desagertzen joan dira.

Albiste hau Aiaraldeak argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Langile borroka  |  Laudio  |  Andaluzia  |  Elkartasuna  |  Amurrio  |  Aiara

Langile borroka kanaletik interesatuko zaizu...
4.020 euroko isuna ezarri diote Aiaraldeko Ernairi Tubacexeko lan heriotzak salatzeagatik

Diru hori jada lortu dutela nabarmendu dute gazte antolakundeko kideek, azken hilabeteetan abiatutako elkartasun dinamikari esker. 


Indarkeria matxista bizi duen emakumea kaleratu dute etxetik

Azaroaren 25eko data zeraman Arrigorriagako emakume baten, haren alabaren eta biloben etxe kaleratze aginduak. Batu Elkarlaguntza Sareko kide da emakumea, eta sareak etxe kaleratzea gelditzeko deia egina zuen. Goizean goizetik herritar ugari elkartu da etxe-kaleratzea eragozteko... [+]


2021-11-24 | Uriola.eus
Euskaldunako borrokaldietako zorigaitz hartatik 37 urte

1984an Bilboko ontziola ixtea agindu zuen Felipe González buru zuen Espainiako Gobernuak. Langileek gogor borrokatu zuten beren lanpostuak defendatzeko, eta barrikada arteko egun haietako batean, azaroaren 23an, poliziaren oldarraldi baten ondorioz bihotzekoak jota hil... [+]


2021-11-23 | ARGIA
"Lan heriotzen odolustea" salatu dute sindikatuek

Bost eguneko epean hiru langile hil dira Euskal Herrian. Azkena, Bravo Lanak SL enpresako 45 urteko langilea, Portugaleteko bosgarren solairuko estalkitik erorita, erretena konpontzen ari zela. Eraikuntzaren sektoreko lan baldintzez eta administrazioaren erantzukizunaz gogor... [+]


2021-11-22 | Leire Artola Arin
Donostiako hotel bateko langile bat hil da, gaueko txandan ondoezik sentitu ostean

LAB sindikatuak jakinarazi duenez, Barceló Costa Vasca hoteleko 63 urteko harreragilea da hildakoa.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude